सर्वसाधारणलाई खुशीको खबर, बैंकमा सुन राखे व्याज पाइने

अब बैंकमा सुन राखे सर्वसाधारणले व्याज पाउने भएका छन् । २०७६|७७ को मौद्रिक नीति सार्वजनिक गर्दै नेपाल राष्ट्र बैंकले बैंकमा सुन राखे ब्याज पाउने नीति व्यवस्था गर्न लागेको हो ।

बैंक तथा वित्तीय संस्थाले सुनलाई निक्षेपको रुपमा स्वीकार गर्ने नयाँ व्यवस्था आउन लागेको जनाएको छ । लगानीयोग्य रकमको अभाव हटाउनको लागि अर्थमन्त्रालयले चालु आ.वको बजेटमार्फत सुनलाई निक्षेपको रुपमा स्वीकार गर्ने व्यवस्था गरेको थियो ।

राष्ट्र बैंकले निर्देशिका बनाएर यो व्यवस्था कार्यान्वयन गर्ने बताइएको छ । व्यवस्थालाई कार्यान्वयन गर्न अब सर्वसाधारणले लकरमा सुन राखेर पैसा तिर्नु पर्दैन । सर्वसाधारणहरुले बैंकमा सन राखे भने बैंकले नै व्याज दिने व्यवस्था राष्ट्र बैंकले मिलाउने भएको छ ।

प्रतिक्रिया दिनुहोस्

सम्बन्धित समाचार