गुँरास लाइफ इन्स्योरेन्स कम्पनी सबैभन्दा बढी बोनस दिने कम्पनी बनेको छ । कम्पनीले प्रतिहजार ८७ रुपैयाँ बोनस कायम गरेको छ । नेपाली बीमा इतिहासमा यति धेरै बोनस कायम गर्ने पहिलो कम्पनी गुँरास लाइफ हो ।
जीवन बीमा लिने व्यक्तिको लागि कम्पनीले जारी गरेको बोनसदर महत्वपूर्ण हुन्छ । जसको बोनसदर सर्वाधिक छ, त्यस कम्पनीबाट कर्जा लिँदा, गर्दा, बीमा परिपक्वता रकम प्राप्त गर्दा र मृत्यू दाबी भुक्तानी लिँदा बढी प्रतिफल पाईन्छ । बीमा कम्पनीहरुले हरेक वर्ष बीमितलाई दिने बोनस दर घोषणा गर्ने गर्दछन् ।
आ.व. २०७४ ७५ को लागि कम्पनीहरुले बीमितलाई दिने बोनस दर सार्वजनिक गरिसकेका छन् । कम्पनीहरुले सार्वजनिक गरेको बोनस दरलाई आधार मानेर हेर्दा सबैभन्दा धेरै बोनस दर कायम गर्ने कम्पनीका रुपमा गुँरास लाइफ इन्स्योरेन्स रहेको छ ।
कम्पनीले सावधिक तथा आजीवन बीमालेखमा कम्पनीले १४ वर्ष सम्मको बीमा अवधिको लागि ५२, १५ देखि २९ वर्षको लागि ५७, २० देखि २४ वर्षको लागि ६२ र २५ वर्ष वा सो भन्दा माथिको लागि ८७ रुपैयाँ दिने भएको छ ।
यस्तै, इन्स्योरेन्सले सावधिक जीवन बीमालेख अन्तर्गत १४ वर्ष सम्मको बीमा अवधिको लागि ५१, १५ देखि १९ वर्षको लागि ५६, २० देखि २४ वर्षको लागि ६१ र २५ वर्ष वा सो भन्दा माथिको बीमा अवधिमा कम्पनीले ८६ रुपैयाँ दिने भएको छ ।
यस्तै, अग्रीम भुक्तानी सावधिक जीवन बीमालेखमा १४ वर्ष सम्मको लागि ४७, १५ देखि २९ वर्षको लागि ५२, २० देखि २४ वार्षको लागि ५७ र २५ वर्ष दिने कम्पनीले जनाएको छ ।
नेपाल लाइफ, सूर्या लाइफ, लाइफ इन्स्योरेन्स कर्पोरेशन, मेट लाइफ, प्रभु लाइफ, सन नेपाल, आइएमई लाइफ, ज्योति लाइफ, रिलायन्स, सानिमा लाइफ, सिटिजन्स लाइफ, गुँरास लाइफ, एशियन लाइफ र नेशनल लाइफ इन्स्योरेन्स कम्पनी आर्थिक वर्ष २०७४/७५ को लागि बोनस दर सार्वजनिक गर्ने बीमा कम्पनीहरु हुन् ।
नेपाल लाइफ, लाइफ इन्स्योरेन्स कर्पोरेशन, मेट लाइफ, नेशनल लाइफ इन्स्योरेन्स र एशियन लाइफ सञ्चालनमा रहेका जीवन बीमा कम्पनीहरुमध्ये अब्बल कम्पनीका रुपमा चिनिने कम्पनी हुन् । यी कम्पनीहरुले आर्थिक वर्ष २०७४ ७५ को लागि बोनस दर सार्वजनिक गरिसकेका छन् ।
बीमा बजारमा अब्बल कम्पनीका रुपमा चिनिएका यी पाँच कम्पनी भन्दा गुँरास लाइफ इन्स्योरेन्सले बीमितलाई दिने बोनस बढी रहेको छ ।
हेरौँ अन्य ५ कम्पनीको बोनस दर कत्ति
