गुराँस लाइफ इन्स्योरेन्सको (असार ५ गते) आजदेखि ३ लाख २२ हजार ५७६ कित्ता सेयर लिलामी खुला भएको छ ।
कम्पनीले संस्थापक समूहको २ लाख ४० हजार ५७१ कित्ता र सर्वसाधारण समूहको ८२ हजार ५ कित्ता सेयर लिलामीमा ल्याएको हो । यसमा असार १२ गतेसम्म बोलपत्र पेश गर्ने पाइनेछ ।
गुराँस लाइफ इन्स्योरेन्सको असार ४ गते बुधबार प्रतिकित्ता ५०६ रुपैयाँमा कारोबार भएको छ।संस्थापक समूहमा न्यूनतम १ हजार कित्ता र सर्वसाधारण समूहमा न्यूनतम १०० कित्ताका लागि आवेदन दिन सकिनेछ । अधिकतम १० अंकले भाग जाने सम्पूर्ण कित्ताका लागि आवेदन दिन सकिनेछ । संस्थापक सेयरको हकमा भने लिलामी खुला रहेको मितिसम्म कायम संस्थापक सेयरधनी मात्र आवेदन दिन योग्य रहनेछन् ।
कम्पनीले गत चैत २८ गतेदेखि जेठ १ गतेसम्म २ः१ अनुपातमा हकप्रद निष्कासन गर्दा बिक्री नभएको सेयर अहिले लिलामी गर्न लागेको हो । त्यसबेला कुल २९ लाख ७० हजार कित्ता हकप्रद सेयर बिक्री खुला गरेकोमा २६ लाख ४७ हजार ४२४ कित्ताका लागि मात्र आवेदन परेको थियो ।
यसमा बिक्री प्रबन्धकको काम लक्ष्मी क्यापिटल मार्केट लिमिटेडले गरेको छ । इच्छुक लगानीकर्ताले उक्त लिलामीमा लक्ष्मी क्यापिटल मार्केट नयाँ बानेश्वर तथा लक्ष्मी बैंकको तोकिएको शाखा मार्फत आवेदन गर्न सक्नेछन्।
