तीन लघुवित्तको १० करोड ६२ लाख बराबरको आईपीओ आउँदै

2620

तीन लघुवित्त वित्तीय संस्था आइपीओ निष्काशनका लागि नेपाल धितोपत्र बोर्डको अनुमतिको पखाईमा रहेका छन् । अनुमति मागको पर्खाइमा रहेका लघुवित्तहरु वित्तीय संस्थाहरु आँधिखोला, घोडीघोडा र सबैको लघुवित्त हुन् । यी लघुवित्त वित्तीय संस्थाहरुले आईपीओ निष्काशनका लागि धितोपत्र बोर्डको अनुमतिका लागि पर्खाइमा रहेका हुन् ।

आईपीओ निष्काशनका लागि घोडीघोडा लघुवित्तले २०७५ चैत १७, आँधिखोला लघुवित्तले २०७६ बैशाख ३ गते र सबैको लघुवित्तले २०७५ चैत २४ अनुमतिका लागि धितोपत्र बोर्डमा आवेदन दिएका थिए ।

घोडीघोडा लघुवित्तले १ करोड ३३ लाख बराबरको (१ लाख २३ हजार ६ सय कित्ता सेयर), आँधिखोला लघुवित्तले ४ करोड बराबरको (४ लाख कित्ता सेयर), र सबैको लघुवित्त वित्तीय संस्थाले ५ करोड ३० लाख बराबरको (५ लाख ३० हजार कित्ता सेयर) निष्काशनका लागि आवेदन दिएका हुन् ।

आईपीओ निष्काशन तथा विक्री प्रबन्धकका लागि आँधिखोला र सबैको माइक्रोफाइनान्सका लागि एलआईबिएल एस क्यापिटल रहेको छ भने घोडीघोडा लघुवित्तको विक्री प्रबन्धकमा प्रभु क्यापिटल रहेको छ ।

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्