महोत्तरीको बर्दिबास नगरपालिका वडा नम्बर –१३ की जानकी महतोले श्रीमान गुमाईन । जानकीलाई श्रीमान गुमाएको पीडा एकातिर छदैँ थियो अर्को तिर थियो ऋणको बोझ, आर्थिक संकट । जानकीको यस्तो अवस्थालाई केही हद सम्म बीमा कम्पनीले सहयोग प्रदान गरेको छ । दु:खको घडिलाई सामना गर्न सघाँउ पुर्याएको छ ।
जानकीका श्रीमानले जीवन बीमा गराएका थिए । जीवन बीमा गरेकै कारण आज जानकी दुःखद अवस्थामा पनि आर्थिक सहयोग प्राप्त गरेकी छिन् । श्रीचन महतोको जीवन बीमा गराएको तीन दिन नबित्दै मृत्यु भएके थियो । त्यसपछी ऋणको भारमा परेकी जानकीलाई जीवन बीमा कम्पनीले तीन लाख नगद हस्तान्तरण गर्यो ।
मृतक बीमितले सिटिजन लाइफ इन्स्योरेन्स कम्पनी शाखा कार्यालय बर्दिबासमा जीवन बीमा गराएका थिए । श्रीचनको श्रीमतिलाई सिटिजन लाइफ बीमा बाप्तको रकमको चेक प्रदान गेरेको हो । शाखा प्रबन्धक सरोज दाहाल र गण्डकी विकास बैंक शाखा कार्यालय बर्दिबासका शाखा प्रबनधक यमप्रसाद दाहालले संयुक्त रुपमा तीन लाखको चेक हस्तान्तरण गरेका हुन् ।
जानकीका श्रीमान् श्रीचनले गण्डकी विकास बैंकबाट व्यपार गर्न उनले गत चैत्र महिनामा सात लाख ऋण लिएका थिए । उनले ऋण लिदाँ सिटिजन लाइफ इन्स्योरेन्समा तीन लाखको जीवन बीमा गरेका थिए । गत चैत्र १२ गते विमा गरेका उनको तीन दिनपछी अचानक उनको मृत्यु भएको थियो ।
