प्राइम लाइफ इन्स्योरेन्स कम्पनीले दाबी भुक्तानी गरेको छ । कम्पनीले जुम्ला चन्दननाथ नगरपालिका वडा नम्बर ४ का मृतक बीमित लक्ष्मीचन्द्र उपाध्यायको परिवारलाई दाबी वापतको रकम हस्तान्तरण हो ।
उपाध्यायको गत पुस २४ गते शौचालयमा आगलागिबाट मृत्यु भएको थियो । बीमा गरेको एक वर्ष नपुग्दै लक्ष्मीचन्द्रको निधन भएपछि जुम्लामा रहेको प्राइम लाइफ इन्स्योरेन्स कम्पनी लिमिटेड शाखा कार्यालय जुम्लाले ३१ लाख ५६ हजार दाबी वापतको रकम हस्तान्तरण गरेको हो ।
कम्पनीका क्षेत्रीय प्रबन्धक रामबहादुर शाही र जिल्ला समन्वय समिति जुम्लाका उपप्रमुख कार्मा बुढा लगायतका व्यक्तिहरुको सहभागितामा सो दाबी रकम हस्तान्तरण गरिएको हो ।
मृतक उपाध्यायले २०७३ सालको पुस २५ गते ३० लाख को बीमाङ्क रकमको बीमा गरेबापत बीमा शुल्क २ लाख ३१ हजार २ सय ३९ रुपैयाँ रकम जम्मा भएको थियो । मृतककी धर्मपत्नी अप्सरा उपाध्यायले रु ३१ लाख ५६ हजार बीमा रकम बुझेकी थिइन ।
