लामो समय देखि बीमा कम्पनीहरुले माग गर्दै आएको मूल्य अभिबृद्धि कर छुटलाई यस पटक सरकारले सम्बोधन गरेको छ । आगामी आर्थिक २०७६/७७ बजेट मार्फत सरकारले दुर्घटना तथा स्वास्थ्य बीमामा लाग्दै आएको मुल्य अभिवृद्धि कर हटाएको छ । कम्पनीहरुले उक्त बीमामा १३ प्रतिशत मुल्य अभिवृद्धि कर बुझाउँदै आएका थिए ।
सरकारले मूल्य अभिबृद्धि कर छुट गरेर बीमा व्यवसाय विस्तार एवं प्रोत्साहीत गरेको बीमा समितिका प्रमुख कार्यकारी निर्देशक राजुरमण पौडेलले बताए । ‘यसले बीमा व्यवसाय बढ्नमा सहयोग पुग्नेछ,’ उनले भने ।
त्यस्तै, युनाईटेड इन्स्योरेन्सका कार्यवाहक प्रमुख कार्यकारी अधिकृत रमेश कुमार भट्टराईले सरकारले ढिलै भए पनि कम्पनीरुको मागलाई सम्बोधन गरको बताए । अन्य मुलुकमा पनि यस्तो खालको व्यवस्था नभएको बताउँदै नेपालमा पनि यसलाई अनुसरण गर्नुपर्ने उनले बताए ।
