बीमा कम्पनीको शाखा २ हजार भन्दा बढी पुग्यो, सबै कम्पनी प्रदेश तीनमै थुप्रिए


बीमा कम्पनीहरुको शाखाको संख्या २ हजार ९ पुगेको छ । अर्थमन्त्रालयको तथ्यांक अनुसार चालु आर्थिक बर्ष २०७५/७६ को फाल्गुण महिनासम्ममा जीवन तथा निर्जीवन बीमा कम्पनीहरुको शाखा उक्त संख्यामा रहेको हो ।

तथ्यांक अनुसार जीवन बीमा कम्पनीको संख्या १ हजार २९० छ । त्यस्तै, निर्जीवन बीमा कम्पनीको संख्या ७१९ पुगेको छ । जसमध्ये प्रदेश नम्बर एकमा ३४३ वटा शाखा छन् । प्रदेश नम्बर दुइर्मा २६३, प्रदेश नम्बर तीनमा ५५३, गण्डकी प्रदेशमा २२४, प्रदेश नम्बर पाँचमा ३०९, कर्णाली प्रदेशमा १२६ र सुदुरपश्चिम प्रदेशमा १९१ शाखा विस्तार भएका छन् ।

जीवन बीमा कम्पनीको भने सबैभन्दा धेरै शाखा प्रदेश नम्बर तीनमा नै छ । उक्त प्रदेशमा ३२७ वटा शाखा छन् । प्रदेश नम्बर एकमा २२८, प्रदेश नम्बर दुईमा १७२, गण्डकी प्रदेशमा १२९, प्रदेश नम्बर पाँचमा १९२, कर्णाली प्रदेशमा ९८ र सुदुर पश्चिम प्रदेशमा १४४ वटा शाखा विस्तार भएका छन् ।

त्यस्तै, निर्जीवन बीमा कम्पनीहरुको धेरै शाखा प्रदेश नम्बर तीनमा रहेको छ । उक्त प्रदेशमा कम्पनीहरुको शाखा २२६ छ । त्यस्तै, प्रदेश नम्बर एकमा ११५, प्रदेश नम्बर दुईमा ९१, गण्डकी प्रदेशमा ९५, प्रदेश नम्बर पाँचमा ११७, कर्णाली प्रदेशमा २८ र सुदुरपश्चिम प्रदेशमा ४७ वटा शाखा विस्तार भएका छन् ।

प्रतिक्रिया दिनुहोस्

सम्बन्धित समाचार