जीवन बीमा कम्पनीका अभिकर्ताहरुले ९ महिनामा बुझे ५ अर्ब ७० करोड कमिशन

2066

आर्थिक वर्ष २०७५/७६ को तेस्रो त्रैमासको अवधिमा जीवन बीमा कम्पनीका अभिकर्ताहरुले ५ अर्ब ७० करोड ५७ लाख २१ हजार २ सय ४८ रुपैयाँ कमिशन बुझेका छन् । चालु आवको तेस्रो त्रैमासको अवधिमा कम्पनीहरुले प्रकाशन गरेको वित्तीय विवरण अनुसार जीवन बीमा कम्पनीका अभिकर्ताहरुले सो रकम बुझेको देखिएको हो । गत आवको सोही अवधिमा जीवन बीमा कम्पनीमा आवद्ध अभिकर्ताहरुले ३ अर्ब ४६ करोड ५१ लाख ५९ हजार ७ सय ९ रुपैयाँ बुझेका थिए ।

चालु आवको चैत्र महिनासम्ममा नेपाल लाइफ इन्स्योरेन्स कम्पनीमा कार्यरत अभिकर्ताहरुले अभिकर्ता कमिशन वापत १ अर्ब ८२ करोड ८७ लाख ४० हजार ४ सय ६१ रुपैयाँ बुझेका छन् । त्यस्तै, लाइफ इन्स्योरेन्स कर्पोरेशनका अभिकर्ताहरुले ९६ करोड ३९ लाख ६५ हजार रुपैयाँ बुझेका छन् । भने नेशनल लाइफ इन्स्योरेन्सका अभिकर्ताहरुले ५० करोड ४५ लाख रुपैयाँ बुुझेका छन् ।

नेपाल लाइफका अभिकर्ताले बुझे सबैभन्दा बढी कमिशन
चालु आवको तेस्रो त्रैमासको अवधिमा नेपाल लाइफ इन्स्योरेन्स कम्पनीका अभिकर्ता कमिशन वापत १ अर्ब ८२ करोड ८७ लाख ४० हजार ४ सय ६१ रुपैयाँ बुझेका छन् । गत आवको सोही अवधिको तुलनामा ४३.५८ प्रतिशतले बढी हो । गत आवको सोही अवधिमा १ अर्ब २७ करोड ३६ लाख ६८ हजार ५ सय ७७ रुपैयाँ बुझेका थिए ।

१ प्रतिक्रिया

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्