नेपाल इन्स्यारेन्स कम्पनीको जेठ ५ गते (आज)देखि १ लाख ४७ हजार १०३.०८ कित्ता सेयर लिलामी खुला भएको छ । कम्पनीले सर्वसाधारण समूहको १ लाख ४४ हजार ५८१.३६ कित्ता र संस्थापक समूहको २ हजार ५११.७३ कित्ता सेयर लिलामी खुला गरेको हो ।
लगानीकर्ताले यो लिलामीमा जेठ १९ गते बोलपत्र पेश गरिसक्नुपर्नेछ । प्रतिकित्ता न्यूनतम १ सय रुपैयाँलाई आधार मानेर मूल्य बढाबढ आधारमा लिलामी भर्नुपर्ने हुन्छ ।
कम्पनीले यसअघि ६५ प्रतिशत हकप्रद सेयर निष्कासन गरेको थियो । उक्त समयमा बिक्री हुन बाँकी रहेको सेयर अहिले लिलामीमा ल्याइएको हो । कम्पनीले ४० लाख १४ हजार ६५१.५८ कित्ता हकप्रद सेयर बिक्री खुला गरेकोमा ३८ लाख ६७ हजार २८८.५० कित्ता हकप्रद मात्र बिक्री तथा बाँडफाँट भएको थियो ।
लिलामी सेयरमा बिक्री प्रबन्धक ग्लोबल आइएमई क्यापिटल रहेको छ ।
