गुराँस लाईफको तेश्रो त्रैमास सम्म बीमा शुल्क आर्जन १ अर्ब माथि

गुराँस लाईफ इन्स्योरेन्सले आर्थिक वर्ष ७५/७६ को तेश्रो त्रैमासको वित्तिय विवरण सार्वजनिक गरेको छ।  इन्स्योरेन्सको कुल बीमा शुल्क आर्जन रकम १९ प्रतिशतले वृद्धि भएको छ। कम्पनीले यस आर्थिक वर्षको तेश्रो त्रैमास सम्म १ अर्ब १४ करोड कुल बीमा शुल्क आर्जन गरेको छ।

कम्पनीको खुद बीमा शुल्क आर्जन रकम २६  प्रतिशतले वृद्धि हुँदै १ अर्ब १२ करोड पुगेको छ। कम्पनीले जारी गरेको बीमा लेख संख्या ४  प्रतिशतले  वृद्धि भएको छ।

कम्पनीले चालु आर्थिक वर्षको तेश्रो त्रैमास सम्म ५ करोड ६५ लाख खुद नाफा गरेको छ। कम्पनीको प्रकाशित प्रति शेयर आम्दानी ११  रुपैयाँ ७६  पैसा रहेको छ।

कम्पनीको जगेडा कोषको आकार १२ प्रतिशतले वृद्धि भएर  २३ करोड १७ लाख पुगेको छ भने जीवन बीमा कोषको आकार ३५ प्रतिशतले वृद्धि भएर ५ अर्ब २१ करोड पुगेको छ।

प्रतिक्रिया दिनुहोस्

सम्बन्धित समाचार