बारा पर्साको हावाहुरीले ९ निर्जीवन बीमा कम्पनीमा ८ करोड बराबरको ४२ वटा दाबी, हेरौ कुन कम्पनीमा कति परयो दाबी

गत चैत्र महिनामा गएको हावाहुरीको कारण निर्जीवन बिमा कम्पनीहरुमा ४२ वटा दाबी परेको छ । सो दाबी बापत ९ वटा निर्जीवन बिमा कम्पनीहरुमा ८ करोड रुपैयाँ ५१ लाख रुपैयाँ बराबरको दाबी परेको छ ।

बीमा समितिको तथ्यांक अनुसार ओरियण्टल इन्स्योरेन्स कम्पनीमा सबैभन्दा धेरै १८ वटा बीमा दावी परेको छ । जस बापत बीमितले ५ करोड रुपैयाँ बारबरको बिमा दाबी गरेका छन् । त्यस्तै, नेको इन्स्यारेन्स कम्पनीमा सात वटा दाबी परेको छ । जस बापत १ करोड ९६ लाख रुपैयाँ बराबरको बिमा रकम दाबी परेको छ । नेको कम्पनीमा परेको कुल दाबी संख्यामध्ये तीन वटा दाबीको भने विववरण नै आएको छैन ।

शिखर इन्स्योरेन्स कम्पनीमा पाँच वटा दाबी परेको छ । सो कम्पनीमा परेको दाबीमध्ये सबै मोटर बिमा दाबी छन् । जस बापत कम्पनीमा ४ लाख २० हजार रुपैयाँ बराबरको बिमा रकम दाबी परेको छ । नेपाल इन्स्स्योरेन्समा ३६ लाख ३० हजार बराबरको चार वटा दाबी परेको छ । नेशनल इन्स्योरेन्समा २ लाख ३ हजार रुपैयाँ बराबरको दुई वटा दाबी परेको छ भने अजोड इस्योरेन्समा पनि तीन लाख रुपैयाँ बराबरको दुई वटा दाबी परेको छ । सिद्धार्थ इन्स्योरेन्स पनि ३ लाख १५ हजार रुपैयाँ बराबरको दुई वटा दाबी परेको छ । प्रभु इन्स्योरेन्स, एभरेष्ट इन्स्योरेन्समा भने १/१ वटा दाबी परेको छ । जस बापत क्रमश १ करोड र ६ लाख रुपैयाँ बराबरको दाबी परेको छ । तर, जीवन बीमा कम्पनीमा भने एउटा पनि दाबी नपरेको बीमा समितिका निमित्त कार्यकारी निर्देशक राजु रमण पौडेलले बताए ।

हावाहुरीको कारण भएको क्षतिमा अधिकांश बैकबाट कर्जा लिएकाहरुले दाबी गरेका छन् । बीमा समितिका अनुसार प्रभु बैकमा नेपाल बैंकको ऋणी नेशनल लेदरको परेको छ । नेकोमा इन्स्योरेन्समा सिद्धार्थ बैक, एडिवि बैक, ग्लोबल बैक, सानिमा बैकबाट कर्जा लिएकाले दाबी गरेका छन् । अजोडमा एभरेष्ट इन्स्योरेन्सका ऋणी समिम अख्तरको दाबी परेको छ । एनएलजीमा ज्योति विकासका बैक, एभरेष्ट बैकको ऋणीको परेको छ । शिखर इन्स्योरेन्समा सिद्धार्थ बैक, ज्योति विकास बैक, कामना सेवा विकास बैकको दाबी छ । एभरेष्ट इन्स्योरेन्समा एभरेष्ट बैकका ऋणी मान बहादुर विष्टको दाबी परेको छ । जनरल इन्स्योरेन्स कम्पनीमा स्टयाण्डर्ड चाटर्ड बैकका ऋणी सज्जन कुमार अग्रवालको दाबी परेको छ ।

हावाहुरीले अग्नि बिमामा ७ करोड बराबरको दाबी परेको छ । सम्पति बिमामा १ करोड २७ लाख रुपैयाँ बराबरको दाबी परेको छ । मोटर बीमामा १६ लाख रुपैयाँ बराबरको दाबी परेको छ भने कृषि बीमामा ५ लाख ३५ हजार रुपैयाँ बराबरको दाबी परेको छ ।

प्रतिक्रिया दिनुहोस्

सम्बन्धित समाचार