लाईफ इन्स्योरेन्स (कर्पोरेशन) नेपाल धनबृष्टि धन फिर्ता बीमा योजना सार्वजनिक गर्ने भएको छ । आफना सेवाग्राहीको मागलाई मध्यनजर गरी कम्पनीले धनफिर्ता बीमा योजना सञ्चालनमा ल्याउँन लागेको हो ।
यस योजनाको अवधि १० देखि १५ बर्षको हुनेछ । १० बर्षे बीमा योजनामा बीमा योजना सुरु भएको प्रत्येक तीन/तीन बर्षमा कम्पनीले बीमांक रकम भुक्तानी गर्नेछ । पहिलो तीन बर्षमा ३३ प्रतिशत रकम फिर्ता गर्नेछ । त्यस्तै छैठौ बर्षमा कम्पनीले अर्को ३३ प्रतिशत भुक्तानी गर्नेछ । १० बर्षमा बीमा योजना परिपक्क भएपछि कम्पनीले बाँकी रहेको ३४ प्रतिशत बीमांक रकम र बोनश रकम फिर्ता गर्नेछ ।
त्यस्तै, १५ बर्षे बीमा योजनामा पहिलो तीन बर्षमा बीमांक रकमको १५ प्रतिशत रकम फिर्ता गर्नेछ । छैठौ बर्षमा अर्को १५ प्रतिशत रकम फिर्ता गर्नेछ । नबौ बर्षमा अर्को १५ प्रतिशत रकम फिर्ता गर्नेछ । बाह्रौ बर्षमा पुन: अर्को १५ प्रतिशत रकम फिर्ता गर्नेछ । १५ बर्ष अवधि पुरा भएपछि बाँकी रहेको ४० प्रतिशत बीमांक रकम र बोनश रकम फिर्ता गर्नेछ ।
यस बीमा जनामा न्यूनत्तम १३ र अधिकत्तम ६० उमेरसम्मको मानिस सहभागी हुन सक्नेछन् । यो योजना मुनाफामा सरिक हुने बीमा योजना हो ।
