बीमांकी रोष्टरमा आवेदनका लागि एक महिना थप


बीमा समितिले निर्माण गरेको बीमांकी रोष्टरमा आवेदन दिनका लागि एक महिना अवधि थप गरिएको छ । समितिले तोकेको अवधिमा पर्याप्त मात्रामा आवेदन नआएपछि समितिले एक महिना थप गरेको हो । बीमा समितिले गत चैत्र १३ गते दोस्रो सुचना जारी गरी आवेदन दिनका लागि आह्वान गरेको समितिकी प्रवक्ता पूजन ढुगेंलले बताईन् । उनका अनुसार आगमी बैशाख १२ गतेभित्रमा इच्छुक बीमांकीले आवेदन दिन सक्नेछन् ।

नेपाली बीमा कम्पनीहरुले भोग्दै आएको बीमांकीको समस्या समाधान गर्न बीमा समितिले बीमांकी रोष्टर निर्माण गर्ने भएको छ । समितिले निर्माण गरेको रोष्टरमा सबै बीमांकीहरुलाई सुचीकृत हुन समेत आवहन गरेको छ ।

जीवन बीमा कम्पनीले बीमांकीद्धारा बार्षिक रुपमा वित्तीय विवरण तयार पार्दछन् । त्यसैगरी बीमांकीद्धारा नै नयाँ बीमालेख निर्माण गर्नुपर्छ । तर, नेपालमा एउटा पनि बीमांकी नभएपछि नेपाली बीमा कम्पनीहरु भारतीय बीमांकीको भर पर्दै आएका छन् । यद्यपी नयाँ बीमा कम्पनीहरुलाई अनुभवी बीमांकी पाउँने भने कठिन हुदै आएको समितिले बताएको छ ।

बीमा कम्पनीहरुले बीमालेख बनाउँदा वा बार्षिक वित्तीय विवरण बनाउँदा बीमांकी नियुक्त गर्नुपर्छ । यसरी कम्पनीले बीमांकी नियुक्त गरेपछि बीमा समितिसँग अनुमती लिनुपर्छ । बीमा समितिले पनि आफुले नियुक्त गरेको बीमांकीसँगको सल्लाह पछि मात्रै कम्पनीलाई बीमांकी नियुक्त गर्ने अनुमती प्रदान गर्छ । यो सबै प्रक्रिया झन्झटिलो भएपछि समितिले बीमांकी रोष्टर निर्माण गरेको हो ।

उक्त रोष्टरमा जुन सुकै मुलकमा बीमांकी सुचीकृत हुन पाउँनेछन् । यसको लागी बीमांकी अध्ययन गरी बीमांकी सोसाईटीबाट लाईसेन्स प्राप्त गरेको हुनुपर्नेछ । अन्तराष्ट्रिय बीमांकीले प्रत्यक्ष रुपमा समितिसँग आबद्ध हुन पाउँनेछन् । समितिले छनौट गरेका बीमांकीसँग बीमा कम्पनीहरुले काम गर्न सक्नेछन् ।

प्रतिक्रिया दिनुहोस्

सम्बन्धित समाचार