चुक्ता पुँजी
एभरेस्ट इन्स्योरेन्सको चुक्ता पुँजी २७ करोड ३९ लाख छ भने युनाईटेड इन्स्योरेन्सको चुक्ता पुँजी ३० करोड २४ लाख छ । एभरेस्ट इन्स्योरेन्सले १०५ प्रतिशत सस्थापक हकप्रद शेयर निस्काशन गरिसकेकोले सो हकप्रद शेयरलाई पुँजीमा समावेश गरेर प्रति शेयर आम्दानी गणना गरिएको छ ।
कसरी गर्दै छन् दुई कम्पनीले पुँजी वृद्धि
निर्जीवन बीमा कम्पनीलाई बीमा समितिले १ अर्ब पुँजी को लक्ष्य दिएकोमा दुवै कम्पनीले ठुलो मात्रामा हकप्रद शेयरको साहरा लिएर सो पुँजीको लक्ष्य हासिल गर्दै छन् ।
एभरेस्ट इन्स्योरेन्स ३०० प्रतिशत हकप्रद शेयर बिक्री गर्नका निमित्त धितोपत्र बोर्डमा पुगेको छ । कम्पनीले केही समय अघि १०५ प्रतिशत सस्थापक हकप्रद शेयर बिक्री प्रक्रिया सम्पन्न गरे पश्चात सो हकप्रद शेयर नेपाल स्टक एक्चेञ्जमा सुचिकिकरण गरिसकेको छ । सस्थापक र साधारण शेयरको अनुपात ५१ बराबर ४९ कायम गर्न कम्पनीले यस अघि १०५ प्रतिशत सस्थापक हकप्रद शेयर निष्काशन गरेको थियो । १०५ प्रतिशत सस्थापक हकप्रद पश्चात अहिले कम्पनीको पूँजी २७ करोड ३९ लाख रहेको छ ।
धितोपत्र बोर्डमा अनुमतिका लागि पुगेको ३०० प्रतिशत हकप्रद शेयर पश्चात कम्पनीको पुँजी १ अर्ब ९ करोड पुग्ने छ ।
यता युनाईटेड इन्स्योरेन्सको बिशेष साधारण सभाको निर्णय बमोजिम कम्पनीको वर्तमान चुक्ता पूँजी ३० करोड २४ लाखको २४० प्रतिशत हकप्रद शेयर जारी गर्ने निर्णय गरेको थियो । उक्त प्रस्तावित हकप्रद शेयर पश्चात कम्पनीको पुँजी १ अर्ब २ करोड पुग्ने छ ।
जगेडा कोष
एभरेस्ट इन्स्योरेन्सको जगेडा कोषमा १२ करोड ३३ लाख रुपैयाँ संचित छ भने युनाईटेड इन्स्योरेन्सको जगेडा कोषमा ४ करोड ४० लाख रुपैयाँ संचित छ ।
बीमा कोष
एभरेस्ट इन्स्योरेन्सको बीमा कोषमा २० करोड ९४ लाख रुपैयाँ छ भने युनाईटेड को बीमा कोषमा ३० करोड ६८ लाख रुपैयाँ संचित छ ।
कुल र खुद बीमा शुल्क आर्जन रकम
एभरेस्ट इन्स्योरेन्सले ३८ करोड ९८ लाख कुल बीमा शुल्क रकम आर्जन गरेकोमा १८ करोड ८० लाख खुद बीमा शुल्क आर्जन गरेको छ त्यस्तै युनाईटेड इन्स्योरेन्सले २३ करोड २४ लाख कुल बीमा शुल्क रकम आर्जन गरेकोमा १५ करोड ५७ लाख खुद बीमा शुल्क आर्जन गरेको छ ।
खुद नाफा
यो ६ महिनाको अवधिमा एभरेस्ट इन्स्योरेन्सले २ करोड ५१ लाख रुपैयाँ खुद नाफा गरेको छ भने युनाईटेड इन्स्योरेन्सले १ करोड ७४ लाख रुपैयाँ खुद नाफा गरेको छ ।
भुक्तानी हुन बाँकी दाबी
एभरेस्ट इन्स्योरेन्सको ३९ करोड ७३ लाख बराबरको दाबी भुक्तानी हुन बाँकी छ भने युनाईटेड इन्स्योरेन्सको २२ करोड ७६ लाख बराबरको दाबी भुक्तानी हुन बाँकी छ ।
प्रति शेयर आम्दानी
प्रति शेयर आम्दानीको मामलामा एभरेस्ट इन्स्योरेन्स अगाडी छ । एभरेस्ट इन्स्योरेन्सको प्रति शेयर आम्दानी १८ दशमलव ३६ रुपैयाँ छ भने युनाईटेड इन्स्योरेन्सको प्रति शेयर आम्दानी ११ दशमलव ५१ रुपैयाँ छ । प्रति शेयर आम्दानीलाई वार्षिकरण गरिएको छ ।
मूल्य आम्दानी अनुपात
युनाईटेड इन्स्योरेन्सको मूल्य आम्दानी अनुपात ६६ गुणा छ भने एभरेस्ट इन्स्योरेन्सको मूल्य आम्दानी अनुपात ४६ गुणा रहेको छ ।
हेरौ युनाईटेड इन्स्योरेन्स र एभरेस्ट इन्स्योरेन्सको तुलनात्मक टेबल
नोट:
एभरेस्ट इन्स्योरेन्सले १०५ प्रतिशत सस्थापक हकप्रद शेयर निस्काशन गरिसकेकोले सो हकप्रद शेयरलाई पुँजीमा समावेश गरेर प्रति शेयर आम्दानी गणना गरिएको छ ।
प्रति शेयर आम्दानीलाई वार्षिकरण गरिएको छ ।
