एशीयन लाईफ इन्स्योरेन्सले चैत २५ गतेदेखि हकप्रद बिक्रि गर्दै


एसियन लाइफ इन्सुरेन्सको ६० प्रतिशत हकप्रद चैत २५ गतेबाट निष्कासन हुने भएको छ । कम्पनीले १ः०.६ अनुपातमा ७५ लाख ४० हजार ३५२.७३ कित्ता हकप्रद सेयर बिक्री गर्न लागेको हो ।

कम्पनीको हकप्रदमा फागुन २१ गतेसम्म कायम रहेका सेयरधनीले आवेदन दिन सक्नेछन् ।हकप्रद भर्ने अन्तिम म्याद वैशाख २९ गते तोकिएको छ । लगानीकर्ताले प्रतिकित्ता १ सय रुपैयाँ अंकित मूल्यमा आवेदन दिन सक्नेछन् । यसमा बिक्री प्रबन्धकको काम एनआइबीएल एस क्यापिटलले गर्नेछ ।

यस हकप्रद सेयरमा एनआइबीएल एस क्यापिटलको केन्द्रीय कार्यालय तथा शाखा कार्यालय लालदरबार, लगनखेल, चिप्लेढुङ्गा पोखरा, बुटवल, वीरगन्ज र विराटनगरबाट आवेदन दिन सकिन्छ । एसियन लाइफको केन्द्रीय कार्यालय तथा शाखा कार्यालयहरु र सि–आस्वाबाट आवेदन दिन सकिने कम्पनीले जनाएको छ ।

एसियनले बिमा समितिले तोकेको न्यूनतम २ अर्ब रुपैयाँ चुक्ता पुँजी पुर्याउन हकप्रद बिक्री गर्न लागेको हो । हाल यसको चुक्ता पुँजी १ अर्ब २५ करोड ६७ लाख २५ हजार रुपैयाँ छ । हकप्रद बिक्रीपछि पुँजी २ अर्ब १ करोड भन्दा धेरै पुग्नेछ । प्रतिसेयर आम्दानी ४ रुपैयाँ ३९ पैसा रहेको यस कम्पनीको प्रतिसेयर नेटवर्थ १२० रुपैयाँ ९६ पैसा छ ।

प्रतिक्रिया दिनुहोस्

सम्बन्धित समाचार