चालु आर्थिक बर्ष २०७५/७६ को दोस्रो त्रैमासिकको वित्तिय विवरण अनुसार दुई वटा जीवन बीमा कम्पनीहरुले पूँजी कायम गरेका छन् । हालसम्म ९ वटा पुराना जीवन बीमा कम्पनीमध्ये नेपाल लाईफ र नेशनल लाईफ इन्स्योरेन्सले पूँजी कायम गरेका छन् ।
सबैभन्दा बढी चुक्ता पुँजीे नेपाल लाईफ इन्स्योरेन्सले कायम गरेको छ । कम्पनीले पूँजी ४ अर्ब ३९ करोड ६९ लाख रहेको छ भने नेशनल लाईफ इन्स्योरेन्सको पूँजी २ अर्ब ६४ करोड ४९ लाख रुपैयाँ पुगेको छ । बीमा समितिको निर्देशन अनुसार पुराना कम्पनीहरुले पुसमसान्तसम्ममा कम्पनीहरुले २ अर्ब पूँजी पुराउँनुपर्ने थियो । नयाँ कम्पनीको हकमा भने यो निर्देशन लागू हुने छैन ।
पुँजी पुराउन बाकी रहेका जीवन बीमा कम्पनीहरु
प्राईम लाईफ इन्स्योरेन्सको प्रथम त्रैमासको विवरण अनुसार १ अर्ब ७८ करोड पूँजी रहेको छ । लाईफ इन्स्योरेनस कर्पोशन नेपालको १ अर्ब ३३ करोड पूँजी रहेको छ । सूर्या लाईफ इन्स्योरेन्सको आव २०७५/७६ को दोस्रो त्रौमासको आधारमा १ अर्ब १३ करोड १९ लाख बराबरको पूँजी रहेको छ । एशीयन लाईफ इन्स्योरेन्सको १ अर्ब २५ करोड ६७ लाख रहेको छ ।
नयाँ कम्पनीहरुमा भने प्रभु लाईफ इन्स्योरेन्स, सानिमा लाईफ इन्स्योरेन्स, सन नेपाल लाईफ इन्सयोरेन्स, आईएमई लाईफ इन्स्योरेन्स, रिलायबल लाईफ इन्स्योरेन्स यी कम्पनीहरुको पूँजी १ अर्ब ४० करोड रुपैयाँ रहेको छ । सिटिजन लाईफ इन्स्योरेन्सले १ अर्ब ७५ करोड पूँजी पुराएको छ ।
मेट लाईफ इन्स्योरेन्सको चुक्ता पुँजी प्रथम त्रैमासको विवरणमा राखिएको छैन । यसै गरि सबैभन्दा कम पुँजी कायम हुनेमा राष्ट्रिय बीमा संस्था रहेको छ । कम्पनीको प्रथम त्रैमासको आधारमा हेर्ने हो भने पूँजी १८ करोड १० लाख रुपैयाँ मात्र छ । यसैगरी गुँरास लाईफ इन्स्योरेन्सको ५९ करोड ४० हजार बराबरको पूँजी रहेको छ ।
