पुनर्बिमाबापत चार बर्षमा ३१ अर्ब बाहिरियो


पछिल्लो चार वर्षको अवधिमा बीमा कम्पनीको पुनर्बिमाबापत नेपालबाट ३१ अर्ब ७६ करोड रुपैयाँ बाहिरिएको छ । जीवन बिमा कम्पनीमार्फत ३ अर्ब ६८ करोड र निर्जीवन बिमा कम्पनीहरूमार्फत भने २८ अर्ब ७ करोड रुपैयाँ बाहिरिएको छ ।

बिमा समितिको तथ्यांकअनुसार गत आर्थिक वर्ष २०७४/७५ मा पुनर्बिमाबापत ९ अर्ब ७ करोड रुपैयाँ बाहिरिएको छ । यो रकम अघिल्लो आवको सोही अवधिको तुलनामा २५ करोडले कम हो । आव ७३/७४ भने पुनर्बिमाबापत ९ अर्ब २९ करोड रुपैयाँ बाहिरिएको थियो । जीवन बिमा कम्पनीमार्फत ९९ करोड रुपैयाँ र निर्जीवन बिमा कम्पनीबापत ८ अर्ब ३० करोड रुपैयाँ बाहिरिएको तथ्यांकले देखाउँछ ।

नेपालमा नै पुनर्बिमा कम्पनीको स्थापना भएपछि बिदेसिने रकममा कमी आएको बिमकहरू बताउँछन् । आव ७२/७३ मा पुनर्बिमाबापत ७ अर्ब २१ करोड रुपैयाँ बाहिरिएको थियो ।

प्रत्येक वर्ष पुनर्बिमाबापत ठूलो रकम बाहिरिन थालेपछि सरकारले नेपाल पुनर्बिमा कम्पनीको स्थापना गरेको हो । सो कम्पनीलाई बलियो बनाउन सरकारले २० प्रतिशत पुनर्बिमा नेपाल पुनर्बिमा कम्पनीमा नै गर्न कम्पनीहरूलाई निर्देशन दिएको छ ।

तर, सरकारले पुनर्बिमाको मर्म नै नबुझी २० प्रतिशत अनिवार्य गरेको भन्दै बिमकहरू असन्तुष्टि व्यक्त गर्दै आएका छन् । यद्यपि, केही जीवन बिमा कम्पनीहरूले नेपाल पुनर्बिमा कम्पनीसँग शतप्रतिशत पुनर्बिमा सम्झौतासमेत गरेका छन् ।

के छ ऐनमा ?
बिमा ऐन २०४९ को दफा २ ९ज०का अनुसार पुनर्बिमा व्यवसाय भन्नाले बिमकले जोखिम धारण गर्ने अंशभन्दा बढी अंशको पुनर्बिमा गर्ने व्यवसाय सम्झनुपर्छ भन्ने उल्लेख गरिएको छ । त्यस्तै, ऐनकै दफा २८ मा बिमकले आफूले धारणा पर्ने जोखिम धारणा गरी बाँकी रहेको जोखिमको पुनर्बिमा समितिले तोकेबमोजिम गराउनुपर्ने व्यवस्था गरिएको छ ।
त्यस्तै, बिमा नियमावली २०४९ नियम ६ मा पुनर्बिमा व्यवसायको व्यवस्था गरिएको छ । जसमा बिमकले आफूले धारण गर्ने जोखिम धारण गरी बाँकी रहेको जोखिमको पुनर्बिमा गराउन सक्नेछ भन्ने व्यवस्था गरिएको छ ।

रकम रु करोडमा
विवरण

स्रोत : बीमा  समिति

प्रतिक्रिया दिनुहोस्

सम्बन्धित समाचार