एनआइसी एशिया बैंकको ४ अर्ब ऋणपत्र निष्काशन

एनआइसी एशिया बैंक लिमिटेडले आज (आईतबार )देखि ४ अर्ब रुपैयाँ बराबरको ऋणपत्र निष्काशन गरेको छ । कम्पनीले १० वर्षका लागि १० प्रतिशत ब्याजदर दिनेगरी ऋणपत्र निष्काशन गरेको हो । यो बैंकको चौथो ऋणपत्र हो ।

बैंकले प्रतिकित्ता १ हजार रुपैयाँ दरका कुल ४० लाख कित्ता ऋणपत्र निष्काशन गरेको हो । ऋणपत्र किन्न चाहनेले छिटोमा माघ १६ गतेसम्म र अर्को समय थपको लागि फागुन १३ गतेसम्म आवेदन दिन सकिनेछ ।

लगानीकर्ताले न्यूनतम २५ कित्तादेखि अधिकतम २० लाख कित्तासम्मका लागि आवेदन दिनसक्ने छन् ।इच्छुक लगानीकर्ताले नेपाल एसबीआई मर्चेन्ट बैकिङ लिमीटेडको मुख्य कार्यालय, एनआइसी एशिया बैंकका सबै शाखा कार्यालय तथा सीआस्वा सेवा संचालनको अनुमति पाएका जुनसुकै बित्तीय संस्थाका कार्यालयबाट ऋणपत्र खरीदका लागि आवेदन दिन सक्ने व्यवस्था गरिएको छ ।

प्रतिक्रिया दिनुहोस्

सम्बन्धित समाचार