नक्कली एजेण्टले आजित सक्कली


बीमा समितिको प्रावधान अनुसार कम्तिमा पनि तीन दिनको अभिकर्ता तालिम लिएपछि मात्रै अभिकर्ता लाईसेन्स पाउँन सकिने प्रावधान छ । यसको लागी न्यूनत्तम एसएलसी उत्तिर्ण गरेको हुनुपर्नेछ ।

तर, बजारमा भने नक्कली एजेण्ट उत्तिकै विगविगी छ । लाईसेन्स एउटाको तर, प्रयोगकर्ता भने अर्को । अर्थात् अर्कोको अभिकर्ता कोड प्रयोग गरी अभिकर्ता बन्न थालेपछि सक्कली अभिकर्ताको भने टाउँको दुखाई भएको छ । अधिकांश बीमा कम्पनीहरुमा यस्तो खालको समस्या रहेको एक अभिकर्ताले बताए ।

कतिपय बीमा कम्पनीमा काम गर्ने कर्मचारीहरुले आफन्तको नाममा अभिकर्ता लाईसेन्स लिने तर, काम भने आफै पनि गर्ने गरेको पाईएको अभिकर्ताले बताए । बिषेश गरी यस्ता अभिकर्ताले अन्य अभिकर्ताले ल्याएका व्यवसाय पनि खोस्ने गरेको उनले गुनासो गरे ।

बजारमा देखिएका यस्ता नक्कली अभिकर्ताले बीमा सम्बन्धि गलत प्रचार गर्ने गरेको उनको दाबी छ । जसका कारण व्यवसायिक रुपमा काम गर्ने अभिकर्ता निरुत्साहीत भएको उनले बताए ।

प्रतिक्रिया दिनुहोस्

सम्बन्धित समाचार