SKIP THIS

PCL

एशियन लाईफले ल्यायो “दम्पती सुरक्षा प्लस” जीवन बीमा योजना

एशियन लाईफ इन्स्योरेन्स कम्पनीले “दम्पती सुरक्षा प्लस (संयुक्त सावधिक)” जीवन बीमा योजना ल्याएको छ । यस योजनामा एउटै बीमालेखबाट श्रीमान/श्रीमती दुबै जनाको जोखिम बहन हुनेछ ।

यस योजना अनुसार विमितले ५० हजार देखि माथि जतिसुकै रकमको बीमा गर्न सक्नेछन् । यो बीमा योजना खरिद गर्नेहरुले मासिक, त्रैमासिक, अद्र्धवार्षिक तथा वार्षिक रुपमा बीमाशुल्क भुक्तानी गर्न सक्ने कम्पनीले बताएको छ । साथै ठूलो बीमाङ्कको बीमाशुल्क रकममा छुट सुविधा समेत रहेको कम्पनीले जनाएको छ । यस योजनामा दुर्घटना मृत्यु लाभ, स्थायी अपाङ्ग/अशक्त सुविधा एवं बीमा शुल्क छुट सुविधा पनि समाबेश गरिएको छ ।

यस्तै बीमा अवधि समाप्त हुने मिति सम्म दुबै बीमित जीवित रहेमा पूरै बीमाङ्क रकम र आर्जित बोनस सुविधा प्राप्त गर्नेछन् । कम्पनीका अनुसार बीमा अवधि भित्र दुई मध्ये एक बीमितको मृत्यु भएमा बीमाङ्कको १०० देखि २५० प्रतिशत रकम र आर्जित बोनस पाउनेछन् । यसै गरी कम्पनीले बीमा अवधिभित्र अर्को बीमितको पनि मृत्यु भएमा बीमाङ्कको १०० देखि २५० प्रतिशत रकम भुक्तानी गर्नेछ । बीमा अवधि समाप्त हुने मिति सम्म दुईमध्ये एक बीमित मात्र जीवित रहेमा पूरै बीमाङ्क रकम दिने कम्पनीले जनाएको छ ।

प्रतिक्रिया दिनुहोस्

सम्बन्धित समाचार