चालु आर्थिक बर्ष २०७५/७६ को असोज महिनासम्ममा जीवन बीमा कम्पनीहरुले १५ अर्ब २४ रुपैयाँ कुल बीमा शुल्क आर्जन गरेका छन् । भदौ महिनासम्मको तुलनामा यो रकम ४ अर्ब ५१ करोड रुपैयाँले बढी हो । भदौ महिनासम्ममा कम्पनीहरुले १० अर्ब ७३ करोड रुपैयाँ आर्जन गरेका थिए ।
कम्पनीहरुले आम्दानी गरेको कुल बीमा शुल्कमध्ये १४ अर्ब ५९ करोड जीवन बीमाशुल्क हो भने ६५ करोड ४४ रुपैयाँ बैदेशिक रोजगार म्यादी बीमा बापतको बीमाशुल्क हो ।
असोजसम्ममा कम्पनीहरुले १ अर्ब २१ करोड रुपैयाँ दाबी भुक्तानी गरेका छन् । भदौसम्ममा भने कम्पनीहरुले ८४ करोड ४१ लाख रुपैयाँ बीमा दाबी भुक्तानी गरेका थिए । त्यस्तै सो अवधिसम्ममा कम्पनीहरुले भुक्तानी गर्न बाँकी रहेको रकम ५१ करोड ९५ लाख रुपैयाँ रहेको छ ।
असोज महिनामा मात्रै कम्पनीहरुले २ खर्ब २ अर्ब रुपैयाँ लगानी रहेको छ । त्यसैगरी बीमकको कार्यलय संख्या १ हजार २०१ पुगेको छ भने बीमकको कर्मचारी संख्या ३ हजार ९१३ पुगेको बीमा समितिको तथ्यांकमा छ ।
