यातायात ब्यवश्था विभागको प्रस्ताव, दुर्घटना बीमा रकममा वृद्धि गर्नु पर्ने

यातायात ब्यवस्था विभागले दुर्घटनामा उपचार तथा क्षतिपूर्ति बीमा बापत पीडित तथा परिवारले पाउने बीमा रकममा वृद्धि गर्ने प्रस्ताव गरेको छ ।

विभागले कम्पनीका सवारी दुर्घटना हुँदा लाग्ने खर्च बीमाबाटै भुक्तानी गर्न पुग्ने गरी बीमांक रकम वृद्धिको प्रस्ताव गरेको छ । हाल यस्तो क्षतिपूर्ति रकम ५ लाख रुपैयाँ रहेको छ । विभागले दुर्घटनामा मृत्यु भएकाहरुको परिवारलाई बीमा बापतको रकम १० लाख बनाउन प्रस्ताव गरेको हो ।

हाल दुर्घटनामा घाइते भएकाहरुको उपचारमा लाग्ने खर्च यातायात समितिहरुले बेर्होर्दै आईरहेका छन् । यातायात समितिहरु फागुन मसान्त पछि सबै कम्पनीमा परिणत हुनेछन् ।

यस्तै घाइतेको उपचारका लागि बीमा कम्पनीले ६ लाखसम्म बेहोर्ने गरी बीमा रकम बढाउन प्रस्ताव गरिएको विभागकले बताएको छ ।

हाल सवारी दुर्घटनामा घाइते भएकाहरुको उपचारमा ३ लाख रुपैयाँ खर्च मात्रै बीमा कम्पनीले बेहोर्ने गरेका छन् ।

अब दुर्घटनामा परेर टाउको तथा नसा सम्बन्धी गम्भीर बिरामी भएकाहरुको उपचारमा १५ लाखसम्म बीमा कम्पनी बाटै खर्च गर्ने गरी नयाँ बीमा नीति बनाउने विभागको प्रस्ताव रहेको छ ।

बीमा कम्पनीहरुको नियमनकारी निकाय बीमा समितिले पनि यस विषयमा अध्ययन गर्न समिति गठन गरिसकेको छ ।

प्रतिक्रिया दिनुहोस्

सम्बन्धित समाचार