प्रभु लाइफले ल्यायो ‘श्रीवृद्धि जीवन बीमा योजना, चाडौ नै ६० करोडको आइपीओ जारी गर्दै


प्रभु लाईफ इन्स्योरेन्सले नयाँ जीवन बीमा योजना सावजनिक गरेको छ । काठमाडौंमा आयोजित एक कार्यक्रम मार्फत ‘श्रीवृद्धि जीवन बीमा योजना” सार्वजनिक गरेको छ । कम्पनीले उक्त कार्यक्रम मार्फत चाडौ नै ६० करोडको रुपैयाँ बराबरको साधारण शेयर पनि ल्याउन लागेको जानकारी दिएको छ ।

कम्पनीका प्रमुख कार्यकारी अधिकृत किशोर प्रसाद लामिछानेले कार्यक्रममा बेल्दै –“ग्राहकहरुललाई यस बीमा योजनाबाट धेरै लाभ हुने कुरामा दुईमत नरहेको र कम्पनीको उत्कृष्ट जीवन बीमा योजनामा श्री वृद्धि जीवन बीमा योजना रहेको बताएका छन् ।”

कम्पनीले ल्याएको नयाँ बीमा योजना अन्तर्गत बीमा रकममा प्रत्येक बर्ष पाँच प्रतिशतका दरले वृद्धि हुदै जाने र बीमाशूल्क (प्रिमियम) भने जीवन बीमा अवधिभरी एकैनास हुने रहेको छ । यसमा बीमीतले बीमाङ्कको करिब तिन गुणा रकम एकमुष्ठ रुपमा फिर्ता पाउने व्यवस्था गरिएको छ ।

टाईम भ्यालु अफ मनीको अवधारणालाई पूरा गर्ने उधेश्यले यस जीवन बीमा योजना ग्राहकहरु माझ ल्याएको कम्पनीले बताएको छ ।कार्यक्रममा गत आर्थिक बर्षको उत्कृष्ट ६ जना सिनियर एजेन्सी म्यानेनजर लाई पनि सम्मान गरिएको थियो

दुई अर्ब चुक्ता पुँजी रहेको प्रभु लाईफ इन्स्योरेन्स कम्पनीमा संस्थापक शेयरधनीेले १ अर्ब ४० करोड लगानी गरेको छ ।

प्रतिक्रिया दिनुहोस्

सम्बन्धित समाचार