प्रोग्रेसिभ फाईनान्सको २१ लाख २० हजार कित्ता सेयर ललामीमा

Citizen Life Insurance Co

प्रोग्रेसिभ फाईनान्सले मंसिर १० गते देखि २१ लाख २० हजार ६०४ कित्ता सेयर लिलामीमा बिक्री खुल्ला गरेको छ । कम्पनीले सर्वसाधारण समूहको १६ लाख ७१ हजार ९५५ कित्ता र संस्थापक समूहको ४ लाख ४८ हजार ६४९ कित्ता सेयर लिलामीमा बिक्री खुला गरेको हो ।

यसमा लगानीकर्ताले न्यूनतम १०० रुपैयाँलाई आधार मानेर प्रतिस्पर्धात्मक बोलकबोलमा भाग लिनुपर्नेछ । प्रोग्रेसिभको आइतबार नेप्सेमा प्रतिकित्ता १०१ रुपैयाँ अन्तिम कारोबार भएको थियो । लगानीकर्ताले लिलामी भर्दा दोस्रो बजारमा चलेको भाउ पनि ख्याल गर्नुपर्छ । यसैलाई आधार बनाएर लिलामी भर्नुपर्ने हुन्छ ।

बिक्री प्रबन्धकका रुपमा सनराइज क्यापिटल रहेको छ । आवेदकले सनराइज क्यापिटल कमलपोखरी काठमाडौं तथा प्रोग्रेसिभ फाइनान्सको पाको न्यूरोड काठमाडौं, उग्रतारा जनागल (पुलबजार) र बनेपा काभ्रे शाखाबाट आवेदन दिन सकिनेछ । यसैगरी, सनराइज बैंकको वीरगञ्ज, विराटनगर, पोखरा, नेपालगञ्ज, सुर्खेत, बुटवल र धनगढी शाखाबाट पनि लिलामी भर्न सकिनेछ ।

प्रोग्रेसिभले यसअघि भदौ ५ देखि असोज २३ गतेसम्म ५९ लाख १ हजार कित्ता (२८१%) हकप्रद सेयर बिक्री खुला गरेको थियो । त्यसबेला बिक्न बाँकी रहेको हकप्रद सेयर अहिले लिलामी प्रणालीबाट बेच्न लागेको हो ।

हाल प्रोग्रेसिभको चुक्ता पुँजी २१ करोड रुपैयाँ छ । बाँकी रहेको सेयर लिलामीमा बिक्री भएपछि चुक्ता पुँजी ८० करोड १ लाख रुपैयाँ पुग्नेछ ।

प्रतिक्रिया दिनुहोस्

सम्बन्धित समाचार