नेप्सेलाई दबाब दिन लगानीकर्ताहरुको भेला आज

Citizen Life Insurance Co


नेपाल स्टक एक्सचेञ्जले अनलाईन ट्रेडिङ (नट्स) मा देखिएको समस्या तथा कमजोरीलाई सामाधान नगरेपछि लगानीकर्ताहरु आक्रोशित भएका छन् । नेप्सेलाई यस बिषयमा दबाब दिन आज बिहान नेप्से कार्यलय अगाडी सबै लगानीकर्ता भेला हुने भएका छन् । नेपाल इन्भेष्टर्स फोरम, शेयर लगानीकर्ता संघ नेपाल, नेपाली पूँजीबजार लगानीकर्ता संघ र नेपाल पूँजीबजार संघले संयुक्त रुपमा प्रेस विज्ञप्ती जारी गर्दै उक्त जानकारी दिएका हुन् ।

पूँजी बजारमा १५ लाख भन्दा बढी लगानीकर्ता छन् । उनीहरुको १४ खर्ब रुपैयाँ भन्दा बढी सम्पतिको सुरक्षामा गम्भिर चुनौती देखिएको लगानीकर्ताले गुनासो गरेका छन् । पूँजी बजारको सुधार र विस्तारका रणनीतिक अवरुद्ध हुँदा लगानीकर्ताहरुमा निराशा छाएको उनीहरुले बताएका छन् । यसै सन्दर्भमा नियमनकारी निकायलाई दबाब दिन आज बिहान १० बजे सबै लगानीकर्तालाई नेप्से कार्यालय अगाडी भेला हुन आव्हान गबरेका छन् ।

प्रतिक्रिया दिनुहोस्

सम्बन्धित समाचार