श्री इन्भेष्टमेन्ट एन्ड फाइनान्स कम्पनीको २४ औ बार्षिक साधारणसभा पुस दुईमा हुने भएको छ । उक्त सभामा कम्पनीले १० प्रतिशत लाभांश वितरण गर्ने प्रस्ताव पेश गदैछ । कम्पनीले गत बर्षको कमाईबाट ८ दशमलव ७७ प्रतिशत नगद लाभांश र १ दशमलव २३ प्रतिशत बोनस सेयर वितरण गर्न लागेको हो ।
बोनस पश्चात कम्पनीको चुक्ता पुँजी वृद्धि हुने हुँदा सोही अनुरुप प्रबन्धपत्र तथा नियमावली संशोधन गर्ने एजेन्डा पनि सभामा पेश गरिँदैछ । सभामा आर्थिक वर्ष २०७४/७५ को नाफा नोक्सान सम्बन्धी हिसाबका सम्बन्धमा पनि छलफल हुनेछ । यस्तै, आर्थिक वर्ष २०७५/७६ का लागि लेखापरीक्षक नियुक्त गर्ने र पारिश्रमिक निर्धारण गर्ने अर्को एजेन्डा पनि सभामा पेश हुनेछ ।
साधारण सभा प्रयोजनको लागि श्री इन्भेष्टमेन्टले मंसिर १६ गतेदेखि पुस २ गतेसम्म बुक क्लोज गर्नेछ । यस आधारमा मंसिर १५ गतेसम्म कायम सेयरधनीले मात्र कम्पनीले वितरण गर्ने लाभांश पाउनेछन् ।हाल कम्पनीको चुक्ता पुँजी ८० करोड १ लाख ५० हजार रुपैयाँ रहेको छ ।
