नेप्से परिसूचक साताको पाचौँ दिन १ दशमलव १४ अङ्कले घटेर ११८१ दशमलव ४१ अङ्कमा बन्द भएको छ । कारोबार रकम २५ करोड २५ लाख रुपैयाँ पुगेको छ ।
बैंकिङ, विकास बैंक, माइक्रोफाईनान्स तथा जीवन बीमा क्षेत्रको परिसुचक बाहेक अरु सबै क्षेत्रको परिसुचकमा वृद्धि आएको छ । होटल क्षेत्रको परिसुचमा १ दशमलव ८६ प्रतिशतको वद्धि आएको छ ।
सबैभन्दा धेरै एनएमबि बैंक लिमिटेड प्रमोटर शेयरको ७ करोड ८५ लाख बराबरको शेयर किनबेच भयो ।सबै भन्दा धेरै एनआइसि एसिया ग्रोथ फण्डको सेयरमा ११ दशमलव १३ प्रतिशतको वृद्धि देखियो भने सबै भन्दा धेरै सुर्योदय लघुवित्त वित्तीय संस्थाको शेयर ४ दशमलव ६० प्रतिशतले घट्न पुग्यो ।
निर्जीवन बीमा कम्पनीको उपसुचक ० दशमलव ०१ प्रतिशतले बढेकोे छ भने ५ हजार ४ सय ८२ रुपैँया को बिन्दुमा कारोबार बन्द भएको छ । यसै गरी जीवन बीमा कम्पनीको उपसूचक ० दशमलव ४९ प्रतिशतले घटेर ५ हजार ३ सय २४ को बिन्दुमा बन्द भएको छ ।
आज दिनभरिमा निर्जीवन बिमा कम्पनीहरूको २ करोड ५२ लाख रुपैयाँ बराबरको कारोबार भएको छ , भने जीवन बीमा कम्पनीहरूको ७३ लाख ३१ हजार बराबरको कारोबार भएको छ । निर्जीवन बीमाको उपसुचकमा वृद्धि आएको छ ।
