नेको इन्स्योरेन्सको बीमाशुल्क २७ प्रतिशतले बढ्यो

Citizen Life Insurance Co

नेको इन्स्योरेन्स कम्पनीको चालु आर्थिक बर्ष २०७५/७६ मा बीमाशुल्क आर्जन २७ प्रतिशतले बढेको छ । गत आवको त्रैमास सम्ममा कम्पनीले ४१ करोड १५ लाख रुपैयाँ बीमा शुल्क आर्जन गर्न सफल भएको थियो । यस आवको पहिलो त्रैमासको अवधिमा कम्पनीले ५२ करोड ३९ लाख रुपैयाँ बीमाशुल्क आर्जन गरेको छ ।

कम्पनीले प्रकाशन गरेको गत आवको पहिलो त्रैमासको वित्तिय विवरण अनुसार कम्पनीमा ६१ हजार २ सय २८ बीमालेख कायम रहेको थियो । चालु आवको सोही अवधिमा कम्पनीमा ६८ हजार ४ सय २३ बीमालेख कायम रहेको छ ।
त्यस्तै, यस आवको त्रैमाससम्ममा कम्पनीले १९ करोड ८८ लाख रुपैयाँ दाबी भुक्तानी गरेको छ । यो रकम अघिल्लो आवको सोही अवधिको तुलनामा ३७ प्रतिशतले बढी हो ।

कम्पनीले १ हजार १ वटा दाबीको भुक्तानी गरेको छ । भने १३ सय ३७ वटा दाबीको भुक्तानी गर्न बाँकी छ । कम्पनीको जगेडा कोष ४५ प्रतिशतले बढेर ३६ करोड ३४ लाख रुपैयाँ पुगेको छ । अघिल्लो आवको सोही अवधिमा कम्पनीको जगेडा २४ करोड ९६ लाख रुपैयाँ थियो ।

कम्पनीको प्रति शेयर आम्दानी १९ दशमलव ३० रुपैयाँ रहेको छ । यस्तै प्रति शेयर नेटवर्थ १२३ दशमलव ४२ रुपैयाँ छ भने प्रति शेयर कूल सम्पतीको मूल्य २९८ दशमलव शून्य ५ रुपैयाँ रहेको छ ।

 

प्रतिक्रिया दिनुहोस्

सम्बन्धित समाचार