नेप्से १३ अंकले बढेर १२०७ को विन्दुमा, कारोवार रकम १७ करोड ४१ लाख

  नेप्से परिसूचक साताको पहिलो तेस्रो दिन १३ दशमलव ९७ अङ्कले बढेर १२०७ दशमलव ३१ अङ्कमा बन्द भएको छ । कारोबार रकम १७ करोड ४१ लाख रुपैयाँ पुगेको छ ।

फाईनान्स बाहेक अरु सबै क्षेत्रको परिसुचकमा वृद्धि आएको छ । फाईनान्स परिसुचमा ० दशमलव ०४ प्रतिशतको गिरावट आएको छ । सबैभन्दा धेरै प्रभु बैंकको १ करोड ४३ लाख बराबरको शेयर किनबेच भयो ।

सबै भन्दा धेरै उन्नति माइक्रोफाइनान्स वित्तीय संस्थाको सेयरमा ९ दशमलव ९७ प्रतिशतको वृद्धि देखियो भने सबै भन्दा धेरै एनएमबी माइक्रोफाईनान्सको शेयर ८ दशमलव ५७ प्रतिशतले घट्न पुग्यो ।

निर्जीवन बीमा कम्पनीको उपसुचक १ दशमलव ३७ प्रतिशतले बढेकोे छ भने ५ हजार ५ सय ६२ रुपैँया को बिन्दुमा कारोबार बन्द भएको छ । यसै गरी जीवन बीमा कम्पनीको उपसूचक १ दशमलव ४४ प्रतिशतले बढेर ५ हजार ४ सय २५ को बिन्दुमा बन्द भएको छ ।

आज दिनभरिमा निर्जीवन बिमा कम्पनीहरूको २ करोड २० लाख बराबरको कारोबार भएको छ , भने जीवन बीमा कम्पनीहरूको १ करोड १३ लाख बराबरको कारोबार भएको छ ।

निर्जीवन र जीवन बीमाको उपसुचकमा वृद्धि आएको छ ।

प्रतिक्रिया दिनुहोस्

सम्बन्धित समाचार