नेशनल लाइफ इन्स्योरेन्सको २ लाख ७८ हजार कित्ता शेयर लिलाम खुल्यो

Citizen Life Insurance Co

नेशनल लाइफको लाइफ इन्स्योरेन्सको आजदेखि २ लाख ७८ हजार १ सय १९ दशमलव ३४ कित्ता सेयर लिलाम खुल्ने भएको छ । लगानीकर्ताले न्यूनतम १०० रुपैयाँलाई आधार मानेर प्रतिस्पर्धात्मक बोलकबोलमा सहभागी हुनुपर्नेछ । उक्त शेयर खरीदको लागि कात्तिक २६ गतेसम्म दिन पाउने भएको छ ।


कम्पनीले यसअघि साउन १ गतेदेखि भदौ १९ गतेसम्म ९९ लाख ३६ हजार ४७७.५ कित्ता (६०५) हकप्रद सेयर बिक्री खुला गरेको थियो ।जसमा ९६ लाख ५८ हजार ३५८.२० कित्ताका लागि मात्र आवेदन परेको थियो । २ लाख ७८ हजार ११९.३४ कित्ता हकप्रद बिक्री हुन सकेन । हकप्रद नबिकेको सेयर अहिले लिलामी प्रणालीबाट बिक्री गर्न लागिएको हो ।
यसमा बिक्री प्रबन्धक एनआइबिएल एस क्यापिटल लिमिटेड लाजिम्पाट काठमाडौं तथा यसका शाखा कार्यालय लालदरबार काठमाडौं, ललितपुर, पोखरा, बुटवल वीरगञ्ज र विराटनगरबाट पनि आवेदन दिन सकिनेछ । यसैगरी, नेपाल इन्भेष्टमेन्ट बैंकको नेपालगञ्ज, सुर्खेत, नारायणगढ र धनगढी शाखाबाट पनि आवेदन दिन सक्ने व्यवस्था गरिएको छ ।
हाल कम्पनीको  चुक्ता पुँजी १ अर्ब ६५ करोड ६० लाख ७९ हजार ५९० रुपैयाँ छ । हकप्रद र बाँकी रहेको सेयर लिलामी बिक्रीपछि चुक्ता पुँजी २ अर्ब ६४ करोड ९७ लाख २७ हजार ३४४ रुपैयाँ पुग्नेछ ।

प्रतिक्रिया दिनुहोस्

सम्बन्धित समाचार