सांग्रीला डेभलपमेन्टको १० दिने अभिमुखीकरण तालिम सम्पन्न

सांग्रीला डेभलपमेन्ट बैंक लि.ले बैंकमा नबनियुक्त कर्मचारीहरु लाई अभिमुखीकरण तथा बैंकिङ्ग तालिम सम्पन्न गरेको छ । बैंकले आश्विन ७ गते देखि १६ गते सम्म तालिम प्रदान गरेको हो । अभिमुखीकरण तथा बैंकिङ्ग तालिम १० दिनकोे थियो । नवनियुक्त कर्मचारीहरुलाई बैंक सम्बन्धी कामहरु तथा नीति नियमको बारेमा जानकारी दिने, सिकाउने तथा सामाजीकिरण गराउने जस्ता उद्देश्य तालिमको रहेको थियो । तालिममा नवनियुक्त ७६ जना कर्मचारीहरुको सहभागिता रहेको थियो ।

अभिमुखीकरण तथा बैंकिङ्ग तालिम समापन कार्यक्रममा बोल्दै बैंकका प्रमुख कार्यकारी अधिकृत सुयोग श्रेष्ठले नबनियुक्त कर्मचारीहरुलाई हौसला प्रदान गर्दै यस किसिमको तालिमले कर्मचारीहरुको कार्यकुशलता बढ्ने र कर्मचारीले यस्ता तालिमबाट आफुले सिकेको कुरा प्रयोगमा ल्याई कर्मचारी स्वयं तथा बैंकको दिगो विकासमा योगदान हुने बताए ।

कार्यक्रम समापनको अवसरमा प्रमुख कार्यकारी अधिकृत श्रेष्ठले यस्ता तालिमका कार्यक्रमहरुले कर्मचारीको सीप बिकास तथा आत्मविश्वासमा बृद्घि गर्ने भएकोले यस्ता किसिमका तालिमका कार्यक्रमहरु निकट भविष्यमा पनि आयोजना गरिने जानकारी दिए ।
कार्यक्रम काठमाण्डौको बबरमहल स्थित साप फल्चा हलमा भएको थियो । कार्यक्रममा सहभागी कर्मचारीहरुले अभिमुखीकरण तथा बैंकिङ्ग तालिम लाभदायक भएको उल्लेख गरे । कार्यक्रममा सहभागी कर्मचारीहरुलाई प्रमाण पत्र प्रदान गरिएको थियो । सांग्रीला डेभलपमेन्ट बैंकले खोल्न लागेका नयाँ शाखाहरु संचालनमा आए पश्चात बैंकको शाखा संजाल देशभर गरि ८७ ओटा पुग्नेछन् ।

प्रतिक्रिया दिनुहोस्

सम्बन्धित समाचार