छ वटा जीवन बीमा कम्पनीले घोषणा गरे बोनशदर


गत आर्थिक बर्षमा जम्मा ६ वटा जीवन बीमा कम्पनीले मात्रै बीमा समितिबाट बोनशदर स्वीकृत गराएका छन् । पुराना जीवन बीमा कम्पनीमध्ये नेशनल लाईफ र गुराँश लाईफ इन्स्योरेन्सले भने बोनशदर स्वीकृत गराएका छैनन् ।

बोनशदर स्वीकृत गराएका ६ वटा कम्पनीमध्ये एशियन लाईफ इन्स्योरेन्स कम्पनीले ब्रेकथ्रु गरेको छ । कम्पनीले अघिल्लो आवको लागी न्यूनत्तम प्रतिहजारमा ४१ र अधिकत्तम प्रतिहजार ८५ रुपैयाँ तोकेको छ । कम्पनीले तोकेको अधिकत्तम दर अहिलेसम्मकै उच्च हो । पुराना कम्पनीहरुले हालसम्म अधिकत्तम प्रतिहजार ८२ रुपैयाँसम्म प्रदान गर्दै आएका छन् । पाँच बर्ष अगाडी कम्पनीको न्यूनत्तम प्रतिहजार २५ रुपैयाँ र अधिकत्तम ६८ रुपैयाँ कायम रहेको थियो ।

नेपाल लाईफ इन्स्योरेन्स कम्पनीले न्यूनत्तम बोनशदरमा प्रतिहजार ३ रुपैयाँ बृद्धि गरेको छ । कम्पनीले आव २०७३÷७४ को लागि न्यूनत्तम प्रतिहजार ६५ रुपैयाँ र अधिकत्तम प्रतिहजार ८२ रुपैयाँ कायम गरेको छ । यस अघिका चार बर्षमा कम्पनीले न्यूनत्तम प्रतिहजार ६२ रुपैयाँ र अधिकत्तम प्रतिहजार ८२ रुपैयाँ वितरण गरेको थियो ।

प्राईम लाईफ इन्स्योरेन्सले आव २०७३/७४ का लागी अधिकत्तम प्रतिहजार ७५ रुपैयाँ बोनशदर निर्धारण गरेको छ । यो रकम विगत पाँच बर्षको तुलनामा प्रतिहजार १२ रुपैयाँले बढी हो । कम्पनीले न्यूनत्तम प्रतिहजार ३५ रुपैयाँ निर्धारण गरेको छ । यो रकम पाँच बर्षको तुलनामा प्रतिहजार १६ रुपैयाँले बढी हो । आव २०६९/७० कम्पनीको बोनशदर अधिकत्तम प्रतिहजार ६३ रुपैयाँ र न्यूनत्तम प्रतिहजार १९ रुपैयाँ थियो । कम्पनीले चालु बर्षमा बोनशदरमा अझै बृद्धि गर्ने योजना कम्पनीमा प्रमुख कार्यकारी अधिकृत मनोज कुमार भट्टराईले बताए ।

के हो बोनशदर ?
जीवन बीमा कम्पनीले बिमितहरुबाट बीमाशुल्क संकलन गरे बापत बीमा अवधि सकिएपछि एकमुष्ट बीमाशुल्क र सोको ब्याज अर्थात बोनश प्रदान गर्छ । कम्पनीले कम्पनीको नाफाको आधारमा यस्तो बोनश तय गर्छन् । आव सकिएपछि बिमांकीले मूल्यांकन गरेपछि कम्पनीले बोनशदर कायम गर्छन् । यस्तो बोनशदर घोषणा गर्नुपूर्व समितिबाट स्वीकृति लिनुपर्छ ।

प्रतिक्रिया दिनुहोस्

सम्बन्धित समाचार