एशियन लाईफ इन्स्योरेन्सका जीवन बीमा सुबिधाहरु एनआईसी एशिया बैंकबाटै पाइने

जीवन बीमा कम्पनी ‘एशियन लाईफ इन्स्योरेन्स’का बीमा सुबिधाहरु एनआईसी एशिया बैंकबाटै पाइने भएको छ । आइतबार दुई संस्थाबीच भएको बैंकास्योरेन्स सम्झौता पश्चात बैंकका ग्राहक तथा जीवन बीमा सुबिधा लिन चाहने सर्बसाधारणले उक्त सेवा पाउने भएका हुन् । जीवन बीमालाई सजिलै ग्राहकको पहुँचसम्म पुर्याउने उद्धेश्यले दुई कम्पनीबीच बैंकास्योरेन्स सम्झौता भएको हो ।

ग्राहकहरुले बैंकको जुनसुकै शाखाहरुबाट एशियन लाईफ इन्स्योरेन्स कम्पनीको जीवन बीमा पोलिसीहरु खरिद गर्न, सेवा सुबिधा बारे जानकारी लिन, प्रिमियम भुक्तानी गर्न सक्नेछन् ।

उक्त सम्झौतापत्रमा बैंकको तर्फबाट बैंकका कायम-मुकायम प्रमुख कार्यकारी अधिकृत रोशनकुमार न्यौपाने र इन्स्योरेन्स कम्पनीको तर्फबाट प्रमुख कार्यकारी अधिकृत राजेशकुमार श्रेष्ठले हस्ताक्षर गरेका छन् ।

प्रतिक्रिया दिनुहोस्

सम्बन्धित समाचार