कालिका पावरको १२ करोड रुपैयाँ बराबरको आईपीओ भदौ २८ देखि

निजी क्षेत्रबाट सञ्चालित कालिका पावर कम्पनी लिमिटेडले भदौ २८ गतेदेखि साधारणसेयर (आईपीओ ) निष्कासन गर्ने भएको छ । कम्पनीले १०० रुपैयाँ अंकित मूल्यमा १२ लाख कित्ता साधारण शेयर (आईपीओ) निष्कासन गरेको छ ।आईपीओ न्युनतम ५० देखि अधिकतम ६ हजार कित्तासम्म आवेदन दिन पाइने छ । कुल निष्कासन मध्ये २४ लाख रुपैयाँ बराबरको २४ हजार कित्ता कम्पनीका कर्मचारी र ६० लाख रुपैयाँ बराबरको ६० हजार कित्ता सामूहिक लगानी कोषलाई छुट्टाइएको कम्पनीले जनाएको छ ।

यो आयोजनाको कुल लागत १ अर्ब ३८ करोड रुपैयाँ रहेको छल । २०६९ साल जेठ १६ गते अनुमतिपत्र पाएको यो कम्पनीको आगामी २९ वर्षसम्मको लागि अनुमतिपत्र बहाल रहने छ ।

यो कम्पनीले निष्कासन गरेको आईपीओको यही भदौ २८ गतेदेखि छिटोमा असोज १ र ढिलोमा असोज २८ गतेसम्म आवेदन दिन सकिने छ । यसको शेयर आवेदन गर्न काठमाडौं क्यापिटल मार्केट र ग्लोवल आइएमई क्यापिटल लिमिटेडबाट वा नेपाल धितोपत्र बोर्डबाट अनुमति लिइ आश्वा सेवामा सहभागि बैंक तथा वित्तीय संस्थाबाट आवेदन दिन सकिने उल्लेख छ ।

प्रतिक्रिया दिनुहोस्

सम्बन्धित समाचार