काठमाडौं: एभरेष्ट इन्स्योरेन्स कम्पनी लिमिटेड र गरिमा विकास बैंक लिमिटेड बीच बैंकास्याेरेन्स सेवा प्रदान सम्बन्धि सम्झौता भएको छ ।
सम्झौता पत्रमा एभरेष्ट इन्स्योरेन्सका प्रमुख कार्यकारी अधिकृत कमल गौतम र गरिमा विकास बैंकका प्रमुख कार्यकारी अधिकृत गोविन्द प्रसाद ढकालले हस्ताक्षर गरेका छन् ।
सम्झौता अन्तर्गत गरिमा विकास बैंकका ग्राहकहरुले एभरेष्ट इन्स्योरेन्सका विभिन्न प्रकारका बीमा सेवा प्राप्त गर्न, बीमा शुल्क भुक्तानी गर्न, बीमा लेख लिन तथा बीमा दाबी भुक्तानी सहज रुपमा प्राप्त गर्न सक्नेछन् । सो सेवा गरिमा बिकास बैंकका सम्पूर्ण शाखाहरुबाट उपभोग गर्न सक्ने व्यवस्था मिलाइएको जानकारी कम्पनीले दिएको छ ।
