एशियन लाईफ इन्स्योरेन्सको नविनतम जीवन बीमा योजना “जीवन संजीवनी” सार्वजनिक

काठमाडौ । एशियन लाईफ इन्स्योरेन्स कम्पनी लिमिटेडले नयाँ जीवन बीमा योजना “जीवन संजीवनी” (अग्रिम भुक्तानी सावधिक र आजीवन) सार्वजनिक गरेको छ ।

कम्पनीको संचालक समितिका अध्यक्ष श्री दिपक कुमार श्रेष्ठले मिति २०७५-०५-०२ गते लुम्बिनीको होटल बुद्धमाया गार्डेनमा आयोजित कम्पनीको शाखा प्रबन्धक सम्मेलनको समुद्घाटन कार्यक्रमको अवसरमा नयाँ बीमा योजना सार्वजनिक गरेका थिए  ।

 

 

योजनाका मुख्य विशेषताहरुः
न्यूनत्तम रु. ५० हजारको बीमाङ्कमै शुरु गर्न सकिने ।
बीमितले बीमा अवधीभर पटक–पटक किस्तामा भुक्तानी पाउने ।
बीमित ९९ वर्ष पुरा हुन्जेल जीवितै रहेमा थप बीमाङ्क रकम भुक्तानी पाउने ।
बीमितले बीमाको रकम भुक्तानी पाउन बीमा समाप्ती अवधीसम्म कुर्नुपर्दैन ।
बीमा अवधीका आधारमा बीमा शुरु भएको ३ वर्ष देखि नै किस्तामा बीमाङ्कको रकम भुक्तानी पाउने ।
बीमा अवधी भित्रै बीमितको मृत्यु भएमा परिवारजनले बाँकी बीमाशुल्क नतिरी नै बीमाङ्क रकम र आर्जित बोनश एकमुष्ठ भुक्तानी पाउने कम्पनीले जनाएको छ ।

कम्पनीको हाल अधिकृत पूँजी रु. ५ अर्ब र चुक्ता पूँजी रु. १ अर्ब २५ करोड ६७ लाख रहेको छ । यसअघि १८ वटा जीवन बीमा योजनाहरु प्रचलनमा ल्याएको यस कम्पनीले २८ वटा शाखा र ७१ वटा उपशाखा मार्फत् देशैभर जीवन बीमा सेवा पुर्याइरहेको छ ।

प्रतिक्रिया दिनुहोस्

सम्बन्धित समाचार