लाइफ इन्स्योरेन्स कर्पोरेशन (नेपाल)ले ३६ प्रतिशत बोनस शेयर दिने

लाइफ इन्स्योरेन्स कर्पोरेशन (नेपाल) लिमिटेडले ३६ प्रतिशत बोनस शेयर र १.८९४७४ नगद लाभांश (बोनस शेयरको कर प्रयोजनार्थ) शेयरधनीहरुलाई प्रदान गर्ने निर्णय गरिएको छ।

कम्पनीको विहिबार बसेको संचालक समितिको ९४औं बैठकको निर्णय अनुसार आर्थिक वर्ष २०७३/०७४ को मुनाफाबाट हाल कायम रहेको चुक्ता पूजी रु.१ अर्ब ३३ करोड को ३६ प्रतिशत बोनस शेयर र १.८९४७ नगद लाभांश (बोनस शेयरको कर प्रयोजनार्थ) शेयरधनीहरुलाई प्रदान गर्ने निर्णय गरेको कम्पनीले जनाएको छ । प्रस्तावित ३६ प्रतिशत बोनस शेयर बीमा समितिको स्वीकृति र कम्पनीको वार्षिक साधारण सभाले अनुमोदन गरेपश्चात शेयरधनीहरुले उक्त लाभांष पाउने छन् ।

प्रस्तावित ३६ प्रतिशत बोनस शेयरको पुँजीकरण पछि कम्पनीको चुक्ता पुंजी १ अर्ब ८१ करोड भन्दामाथि हुने छ, बीमा कम्पनीहरुको निमायक बीमा समितिले जिबन बीमा कम्पनीहरुको चुक्ता पुंजी २ अर्ब हुनुपर्ने अनिबार्य गरेको छ। बिमा समितिको निर्देशन पालना गर्नको लागि लाइफ इन्स्योरेन्स कर्पोरेशन (नेपाल) लाई थप करिब १९ करोड पुंजीको आबश्यकता पर्छ।

प्रतिक्रिया दिनुहोस्

सम्बन्धित समाचार