काठमाडौं । सिटिजन्स बैंक इन्टरनेशनल लिमिटेडले ३५ हजार ५३५ दशमलव ९९ कित्ता संस्थापक शेयर विक्री गर्ने भएको छ । कम्पनीले कम्पनीका संस्थापक शेयरधनी क्षितिज भुषालको नाममा रहेको उक्त शेयर विक्री गर्न लागेको जनाएको छ ।
कम्पनीले प्रतिशेयर न्यूनतम विक्री मूल्य २०४ रुपैयाँ तोकेको छ । गत भदौ २ गते सूचना प्रकाशित गरी कम्पनीका विद्यमान संस्थापक शेयरधनीहरुलाई उक्त शेयर खरीद गर्न आह्वान गरेकोमा उक्त शेयर खरीद गर्न संस्थापकहरुबाट कुनै पनि निवेदन प्राप्त नभएकाले अन्य इच्छुक व्यक्ति वा संस्थालाई उक्त शेयर विक्री गर्न लागेको कम्पनीले जनाएको छ ।
उक्त शेयर खरीद गर्न इच्छुक योग्य व्यक्ति वा संस्थाले सूचना प्रकाशित भएको मितिले ३५ दिनभित्र कम्पनीको केन्द्रीय कार्यालय, नारायणहिटी पथमा, काठमाडौंमा निवेदन पेश गर्न कम्पनीले आग्रह गरेको छ ।
