काठमाडौं । मुक्तिनाथ विकास बैंकको प्रमुख कार्यकारी अधिकृतमा पुनः प्रद्युमन पोखरेल नियुक्त भएका छन् । बैंकको २०७९ बैशाख २० गते बसेको २७१ औं संचालक समितिको बैठकले पोखरेल लाई दोस्रो कार्यकालको नियुक्त गरेको हो ।
बैंकले बैंकिङ्ग क्षेत्रको अनुभव र कार्य दक्षताको आधारमा २०७९ जेठ १ गतेबाट ४ वर्षको कार्यकाल रहने गरी उनलाई पुनः प्रमुख कार्यकारी अधिकृतमा नियुक्त गर्ने निर्णय गरेको हो।
विगत तीन दशक भन्दा धेरै बैंकिङ्गको क्षेत्रमा अनुभव रहेको पोखरेलले नबिल बैंक, मेगा बैंक नेपालमा उच्च स्थानको नेतृत्वमा विभिन्न जिम्मेवारी सम्हालेका थिए ।
