काठमाडौं । महालक्ष्मी विकास बैंक लिमिटेडले ७ हजार ५८५ कित्ता संस्थापक शेयर विक्री गर्ने भएको छ । कम्पनीका संस्थापक शेयरधनीको नाममा रहेको उक्त शेयर विक्री गर्न लागेको कम्पनीले जनाएको छ ।
कम्पनीले गत असोज २० गते शेयर खरीद गर्न एक सुचना जारी गर्दै कम्पनीका विद्यमान संस्थापक शेयरधनीलाई आह्वान गरेकोमा उक्त शेयर खरीद गर्न संस्थापकहरुबाट कुनै पनि निवेदन प्राप्त नभएकाले अन्य इच्छुक व्यक्ति वा संस्थालाई उक्त शेयर विक्री गर्न लागेको हो ।
उक्त शेयर खरीद गर्न इच्छुक योग्य व्यक्ति वा संस्थाले यो सूचना प्रकाशित भएको मितिले ३५ दिनभित्र कम्पनीको केन्द्रीय कार्यालय, दरवारमार्ग, काठमाडौंमा निवेदन पेश गर्न आग्रह गरेको छ ।
