काठमाडौं । महालक्ष्मी विकास बैंकले संस्थापक शेयर विक्री गर्ने भएको छ । बैंकले कम्पनीका संस्थापक शेयरधनीको नाममा रहेको संस्थापक शेयर विक्री गर्न लागेको एक सुचना जारी गर्दै जनाउको छ ।
उक्त शेयर खरीद गर्न इच्छुक यस कम्पनीका विद्यमान संस्थापकले सूचना प्रकाशित गरेको मितिले ३५ दिनभित्र कम्पनीको केन्द्रीय कार्यालय दरवारमार्ग, काठमाडौंमा आइपुग्ने गरी निवेदन दिन आग्रह गरेको छ ।
उक्त समय अवधिमा संस्थापक शेयरधनीबाट शेयर खरीद गर्न निवेदन नआएमा प्रचलित कानून तथा नेपाल राष्ट्र बैंकको जारी नीति निर्देशन बमोजिम अन्य व्यक्ति, संस्थालाई उक्त संस्थापक शेयर विक्री गर्ने बैंकले जनाएको छ ।
