सिटिजन लाईफ इन्स्योरेन्सले चालु आर्थिक वर्षको तेश्रो त्रैमास सम्म १ अर्ब १८ करोड कुल बीमा शुल्क आर्जन गरेको छ। गत वर्ष कम्पनीले यसै अवधिमा ६७ करोड ८१ लाख कुल बीमा शुल्क आर्जन गरेको थियो । त्यस्तै खुद बीमा शुल्क आर्जन ७९ प्रतिशतले वृद्धि हुँदै १ अर्ब १६ करोड पुगेको छ।
कम्पनीले कम्पनीले यस अवधिमा ७ करोड २२ लाख कुल दावी भुक्तानी गरेको छ भने भुक्तानी हुन् बाँकी रकम १९ लाख ६८ हजार रहेको छ ।
खुद मुनाफा १९ प्रतिशतले वृद्धि हुँदै १४ करोड ३९ लाख पुगेको छ ।
१ अर्ब ७५ करोड चुक्ता पुँजी भएको कम्पनीको जगेडा कोषमा ४५ करोड ९३ लाख रहेको छ भने जीवन बीमा कोष १ अर्ब २६ करोड पुगेको छ । गत आर्थिक वर्षको यसै अवधिमा जीवन बीमा कोष ४० करोड ४७ लाख थियो ।
