नगरपालिका भित्रका घरहरुको अनिवार्य बीमा गराउँनुपर्छ
रमेश कुमार भट्टराई
कार्यवाहक प्रमुख कार्यकारी अधिृकत
युनाईटेड इन्स्योरेन्स कम्पनी
सम्पतिमा बीमा गर्दा आयकरमा छुट दिनु पर्छ । बीमामा १३ प्रतिशत भ्याट हटाउँनु पर्छ । कुनै पनि देशमा यस्तो खालको भ्याटको व्यवस्था गरिएको छैन । नगरपालिका भित्र भएका घरहरुको अनिवार्य बीमा गर्नुपर्छ । तेस्रो पक्ष बीमालाई घरहरुको बीमालाई पनि अनिवार्य गराउँनु पर्छ ।
लामो अवधिको लागी बण्डहरु जारी गर्नुपर्छ
पोषक राज पौडेल
प्रमुख कार्यकारी अधिकृत
सिटिजन्स लाईफ इन्स्योरेन्स कम्पनी
बीमा कम्पनीहरुलाई लगानी गर्नका लागी सरकारले लामो अवधिको बण्डहरु जारी गर्नुपर्छ । अन्य मुलुकमा यस्तो खालको व्यवस्था छ । त्यसैगरी आयकर छुटको व्यवस्था गर्नुपर्छ ।
धनीलाई अनिवार्य बीमा, गरिबलाई अनुदान, अति गरिबलाई कोष स्थापना गर्नुपर्छ
डा.रविन्द्र घिमिरे
बीमा विज्ञ
एउटा परिवारलाई जीवन बीमा, स्वास्थ्य बीमा, सम्पति बीमा र दायित्व बीमाको आवश्यकता पर्छ । त्यसैले सरकारले यसलाई प्याकेजमा लैजाने खालको नीति ल्याउँनु पर्छ । अति विपन्न बर्गहरु जसको खोलाको छेउमा घर छ । जोखिम ठाउँमा छन्, त्यस्तो परिवारको लागि २ लाख रुपैयाँसम्म क्षतिपूर्ति पाउँने गरी समाजिक सुरक्षा कोष स्थापना गरी राख्नुपर्छ । सरकारले २५ लाख जति जम्मा गरी सामाजिक सुरक्षा कोष बनाउँन सक्छ वा कम्पनि मार्फत पनि गर्न सक्छ । कतिपय बीमालाई अनिवार्य गराउँनु पर्छ । बीमा नगरेसम्म खानेपानी, विद्युत वा विद्यालयमा भर्ना हुन नपाउँने जस्ता व्यवस्था गर्नुपर्छ । धनी अनिवार्य बीमाको व्यवस्था गर्नुपर्छ, गरिबलाई अनुदान, अति गरिबलाई कोष स्थापना गरी सुरक्षा प्रदान गर्नुपर्छ ।
