काठमाण्डौ । ग्लोबल आइएमई लघुवित्त वित्तीय संस्था लिमिटेडले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ।
यस समिक्षा अवधिमा संस्थाले ५ करोड ५३ लाख रुपैयाँ नाफा आर्जन गरेको छ । गत आर्थिक वर्षको सोही अवधिमा संस्थाले १ करोड ८४ लाख रुपैयाँ खुद नाफा आर्जन गरेको थियो । गत वर्षको सोही अवधिको तुलनामा संस्थाको नाफा २०० दशमलव ११ प्रतिशतले बढी हो ।
चुक्ता पुँजी ४३ करोड १७ लाख रुपैयाँ रहेको संस्थाको जगेडा कोषमा ४० करोड ३ लाख रुपैयाँ संचिती रहेको छ । गत आर्थिक वर्षको सोही अवधिको तुलनामा संस्थाको जगेडा कोषमा ७७ दशमलव १४ प्रतिशतले बढी होगत वर्ष रिजर्भमा २२ करोड ५९ लाख रुपैयाँ रहेको थियो।
संस्थाको खुद ब्याज आम्दानी गत आर्थिक वर्षको सोही अवधिको तुलनामा १०१ दशमलव ७७ प्रतिशतले बढेको छ। गत वर्ष यही अवधिमा ७ करोड १९ लाख रुपैयाँ खुद ब्याज आम्दानी गरेको थियो । यस समिक्षा अवधिमा संस्थाले १४ करोड ५१ लाख रुपैयाँ खुद ब्याज आम्दानी गरेको छ ।
संस्थाले ४ अर्ब २९ करोड रुपैयाँ सापटी लिई ७ अर्ब १५ करोड रुपैयाँ कर्जा परिचालन गरेको छ। गत वर्षको सोही अवधिमा संस्थाले २ अर्ब ४४ करोड रुपैयाँ सापटी लिई ४ अर्ब रुपैयाँ बढी कर्जा लगानी गरेको छ ।
समिक्षा अवधिमा संस्थाको प्रतिशेयर आम्दानी ५१ रुपैयाँ २७ पैसा रहेको छ। मूल्य आम्दानी अनुपात ४४.१८ गुणा रहेको छ । प्रतिशेयर नेटवर्थ १९२ पैयाँ ७३ पैसा रहेको छ ।
