काठमाडौं । कामना सेवा बिकास बैंकले आफ्ना फोन पे क्युआरएम मर्चेण्टहरुलाई डिजिटल भुक्तानी गर्न प्रेरित गर्नको लागि मर्चेण्ट बोनश योजना ल्याएको छ । यो योजना बैंकले आफ्नो फोन पे क्युआरएम मर्चेन्टहरुलाई डिजिटल भुक्तानी लिन प्रेरित गर्नको लागि भदौ १ गतेदखि शुरु भएको हो ।
क्युआर कारोबारमा बोनशको बहार, मर्चेण्टहरुलाई कामना सेवाको उपहार” योजना अन्तर्गत क्युआर मर्चेन्टहरुले क्युआर प्रयोग गरी पहिलो भुक्तानी लिएमा भुक्तानी रकमको १५ प्रतिशत वा ५० रुपैयाँ सम्म बोनश बापतआफ्नो कामना सेवा बैंकमा रहेको आफ्नो खातामार्फत प्राप्त गर्न सक्नेछन् ।
बैंकले डिजिटल कारोबारलाई प्रबर्धन गर्ने उद्देश्यले यो योजना ल्याएको हो। साथै यस योजनाले नेपाल राष्ट्र बैंकले घोषणा गरेको “डिजिटल पेमेन्ट यअर “लाई टेवा पु-याउने बैंकले विश्वास लिएको छ ।
