काठमाडौँ । नेपाल क्रेडिट एण्ड कमर्स बैंक लिमिटेडले संस्थापक समूहको शेयर बिक्री गर्ने भएको छ । बैंकले एक सूचना जारी गर्दै यस्तो जनाएको छ । बैंकका ६ जना संस्थापक शेयरधनीहरुले ३६ हजार ४ सय ६२ कित्ता संस्थापक शेयर विक्री गर्न लागेका हुन् ।
नेपाल राष्ट्र बैंकको निर्देशन बमोजिम सर्वप्रथम बैंकका संस्थापक शेयरधनीहरुलाई नै प्राथमिकता दिनुपर्ने भएकाले संस्थापक शेयर खरिद गर्न इच्छुक संस्थापक शेयरधनीहरुलाई बैंकले सूचना प्रकाशन भएको मितिले ३५ दिनभित्र आवश्यक कागजपत्र संकलन गरी निवेदन दिन आग्रह गरेको छ ।
बैंकले आवश्यक कागजपत्र संकलन गरी बैंकको बागबजार, काठमाडौँस्थित शेयर शाखामा आइपुग्ने गरि निवेदन दिन भनेको छ ।
