काठमाडौं । एक्सेल डेभलपमेन्ट बैंकले ८७ हजार १०० कित्ता संस्थापक शेयर विक्री गर्ने भएको छ । कम्पनीले बैंकका संस्थापक शेयरधनी शेखर राज बस्ताकोटीको नाममा रहेको ७० हजार कित्ता, इन्दु तुलाधरको नाममा रहेको १० हजार कित्ता र दिपक कुमार सरावगीको नाममा रहेको ७ हजार १०० कित्ता शेयर विक्री गर्न लागेको एक सुचना जारी गर्दै जनाएको छ ।
उक्त शेयरको प्रतिकित्ता मूल्य भने तोकिएको छैन । उक्त शेयर खरीद गर्न इच्छुक यस कम्पनीका हाल कायम रहेका संस्थापकहरुले सूचना प्रकाशित भएको मितिले ३५ दिनभित्र आवश्यक कागजात प्रमाण संलग्न गरी कम्पनीको केन्द्रीय कार्यालय विर्तामोड, झापामा सम्पर्क गर्न आग्रह गरेको छ ।
बैंकले तोकेको समय अवधिमा शेयर खरीद गर्न निवेदन नआएमा प्रचलित नियम अनुसार उक्त शेयर अन्य व्याक्ति संघ संस्थालाई विक्री गर्ने बैंकले जनाएको छ ।
