काठमाडौं । भारतीय प्रशिक्षक सोनु शर्माले यही जेठ १८ गते प्रज्ञा प्रतिष्ठानको सभाहलमा प्रशिक्षण दिने भएका छन् । कार्यक्रममा विशेष गरी अहिलेको मन्दीको समयमा कसरी व्यवसायलाइ निरन्तरता दिने भन्ने रणनीतिका विषयमा उनको प्रवचन केन्द्रित हुनेछ ।
कार्यक्रम आयोजक सिफ्ट पिक्जेल ग्लोबल प्रालिका अनुसार बिहान ८ बजेदेखि बेलुकी ६ बजेसम्म कार्यक्रम सञ्चालन हुनेछन् । बिहान ११ बजेर १० मिनेटसम्म उद्घाटन शत्र हुनेछ । सोनु शर्माको प्रस्तुती ११ बजेर ३० मिनेट देखि शुरू हुनेछ । पहिलो शत्र १ बजेसम्म चल्नेछ र १ बजेदेखि साढे २ बजेसम्म खानाका लागि विश्रामको समय हुनेछ । त्यसपछि २ बजेर ३० मिनेट देखि दोश्रो शत्रमा पुनः सोनु शर्माको प्रस्तुती रहनेछ।
कार्यक्रममा जीवन, निर्जीवन र लघु जीवन र निर्जीवन बीमा कम्पनीबाट अभिकर्ताहरू सहभागी हुँदैछन् । शर्माको प्रवचन कार्यक्रममा संस्थागतरूपमा सहभागिताको छनौटका लागि बीमा कम्पनीहरूले यसअघि नै अभिकर्ता मासिक प्रोत्साहन योजनामा शर्त तोकेर सहभागिताको मापदण्ड निर्धारण गरेका थिए । व्यक्तिगतरूपमा सहभागी हुन चाहने अभिकर्ताले डिजिटल भुक्तानी सेवा प्रदायक खल्ती वालेट एप्समार्फत् पनि टिकट खरिद गर्न सक्ने सुविधा उपलब्ध रहेको आयोजक संस्थाले जानकारी दिएको छ।
