काठमाडौं । महालक्ष्मी लाईफ इन्स्योरेन्सको तीन दिने दोस्रो राष्ट्रिय सम्मेलन चितवनको सौराहामा सम्पन्न भएको छ ।उक्त सम्मेलनमा ६० भन्दा बढी शाखा र उपशाखा प्रमुख, क्षेत्रिय प्रमुख, उपक्षेत्रिय प्रमुख र प्रधान कार्यालयका पदाधिकारी हरुको सहभागीता रहेको थियो ।
कार्यक्रमको अन्तिम दिन अण्डरराईटिङ, विभिन्न पोलिसीहरु र एजेन्सी सम्बन्धी १ दिने तालिम संचालन गरिएको थियो। सम्मेलनको उद्घाटन तथा समिक्षा कम्पनीको प्रमुख कार्यकारी अधिकृत रमेश कुमार भट्टराईले गरेको थियो।
तालिम तथा कम्पनीको रणनीति बारेमा नायव प्रमुख कार्यकारी अधिकृत द्धय कमल पन्थी र रामेश्वर श्रेष्ठ तथा सहायक महाप्रबन्धक सपना खरेल र प्रशान्तराज धमलाले प्रकाश पारे । कार्यक्रमको संचालन एजेन्सी प्रमुख सिताराम धिमालले गरेको थियो ।
कम्पनीले एक वर्षको अवधिमा ६० वटा शाखा र उपशाखा गरी, ६५ जिल्लामा जनचेतना कार्यक्रम सम्पन्न, ६ हजारभन्दा बढी अभिकर्ता इजाजत स्विकृति, नौ वटा बीमा प्रोडक्ट घोषणा गरि कुल ५३ करोड भन्दा वढीको व्यवसाय गर्न सफल भएको छ ।
